S’do të ketë “Sex and the City 3”

Fansat kanë kërkuar një film të ri që kur “Sex and the City 2” ishte lansuar më 2010

Keystone

I shumëprituri “Sex and the City 3” nuk do të ndodhë, sipas yllit Sarah Jessica Parker.

Aktorja ka konfirmuar se filmi i tretë ka ngecur dhe nuk do të realizohet.

“Ka marrë fund. Nuk do e bëjmë”, ka thënë ajo, duke mos dhënë detaje apo arsye përse është anuluar, transmeton albinfo.ch

Fansat kanë kërkuar një film të ri që kur “Sex and the City 2” ishte lansuar më 2010.

Sikurse fansat e filmit edhe Parker ka thënë se është e zhgënjyer për këtë anulim.

“E kishim skenarin e bukur, argëtues, zemërthyes. Jo vetëm që është zhgënjyese se nuk do të tregojmë skriptin dhe të kemi atë eksperiencë, por më e keqja është për audiencën që ka qenë shumë e zëshme duke kërkuar një film tjetër”, ka thënë ajo.