Hoxha: Procesi i integrimit evropian, ndër qëllimet kryesore të Kosovës

"Qëllimi i shoqërisë sonë dhe, rrjedhimisht detyra jonë si përfaqësues politikë mbetet vazhdimi i konsolidimit demokratik..."

Në Bruksel është mbajtur mbledhja e Komitetit për Stabilizim Asociim Bashkim Evropian- Kosovë, të cilin e ka kryesuar Genoveva Ruiz Calavera, drejtoreshë për Ballkanin Perëndimor.

Në fjalën e hapjes së mbledhjes së Komitetit, ministrja Hoxha ka theksuar se ky është takimi i parë i Komitetit Stabilizim Asociim, i cili mbahet pas përfundimit të të gjitha takimeve të nënkomiteteve të Stabilizim Asociimit, si dhe në prag të mbajtjes së Këshillit në muajin nëntor.

“Procesi i integrimit evropian mbetet një nga qëllimet kryesore të politikës së jashtme të Republikës së Kosovës. Qëllimi i shoqërisë sonë dhe, rrjedhimisht detyra jonë si përfaqësues politikë mbetet vazhdimi i konsolidimit demokratik, ngritja e nivelit të sundimit të ligjit dhe e respektimit të të drejtave si dhe ndërtimi i një ekonomie të tregut funksionale”, ka theksuar ministrja Hoxha.