Rita Ora e Dua Lipa në mbrëmjen festive të BBC-së për Krishtlindje

Dy këngëtaret kosovare me famë botërore, Rita Ora dhe Dua Lipa, do të jenë në skenën e njëjtë në një mbrëmje të organizuar nga BBC për Krishtlindje.

I quajtur “Top of The Pops” është edicion festiv i BBC-së që u mbajt 42 vjet deri në ndalje në vitin 2006, transmeton Albinfo.ch.

Show ikonik i BBC-së tani kthehet një herë në vit për Krishtlindje dhe Vit të Ri. Sivjet mbrëmjet do të udhëhiqen nga Reggie Yates dhe Fearne Cotton.

Përpos Rita Orës dhe Dua Lipës, aty do të performojnë edhe Ed Sheeran, Clean Bandit dhe The Script.

Dua Lipa e nominuar për Albumin e Vitit nga BBC

Këngëtarja me prejardhje shqiptare, Dua Lipa, është nominuar nga BBC në garën për Albumin më të mirë britanik të vitit 2017.

Kosovarja, që sivjet lansoi albumin e parë të titulluar “Dua Lipa”, arriti të dalë në majat e toplistave botërore me këngën “New Rules” që është rrugës drejt një miliard klikimeve, transmeton Albinfo.ch.

Tani sukseset për të nuk kanë të ndalur. Ajo është nominuar për albumin më të mirë të vitit krahas yjeve si Calvin Harris, Ed Sheeran, Rag N Bone Man, Stormzyt dhe The XX.

Për dallim nga vitet tjera, sivjet nuk do të ketë ceremoni të çmimeve. Çmimet do të ndahen në një program televiziv, që do të mbahet si rishikim i vitit 2017 sa i përket muzikës.