Beyonce “mbretëreshë” e fitimeve në muzikë

Albumi “Lemonade” dhe turneu i saj muzikor, e kanë bërë Beyoncen gruan më të paguar në muzikë në vitin 2017, sipas listës së përvitshme të “Forbes”.

Këngëtarja e famshme fitoi 105 milionë dollarë nga shitjet e këngëve dhe nga turneu “Formation”, duke lënë prapa Adelen nga Britania e Madhe dhe yllin amerikan Taylor Swift.

Adele, e cila me albumin “25”, arriti të thyente rekorde në fillim, në fund doli me 69 milionë dollarë të fituara, transmeton Albinfo.ch.

Swift, që kryesoi vitin e shkuar me 170 milionë dollarë të fituar, doli e treta sivjet me 44 milionë me turneun e saj “1989”. Këngëtarja pritet të rrisë përfitimet me albumin e saj të ri “Reputation”.

Kanadezja Celine Dion doli e katërta me 42 milionë dollarë.