Faton Topalli, kandidat për kryetar të Ferizajt

Lëvizja “Vetëvendosje” ka shpallur Faton Topallin kandidat të saj për postin e kryetarit të Ferizajt, të mbetur vakant pas dorëheqjes së ish kryetarit Bajrush Xhemali.

Një komision zgjedhor AdHoc (KZA i formuar në Ferizaj ka shpallur rezultatet paraprake për zgjedhjet e brendshme të Lëvizjes Vetëvendosje! për kandidatin për Kryetar Komune në Ferizaj. Në bazë të këtyre rezultateve, për kandidatin Faton Topalli kanë votuar 97.89% të pjesëmarrësve në votim, ndërsa kundër kanë qenë vetëm 1.05% dhe kanë abstenua3 1.04%, njofton portali i Lëvizjes Vetëvendosje!

Gjatë 24 orëve në vijim KZA pret ankesat e mundshme të anëtarëve ndaj procesit zgjedhor. Rezultati përfundimtar do të shpallet ditën e martë, data 3 prill, 2012.

Faton Topalli, si aktivist dhe i përndjekur politik i viteve 80, jeton prej afër 30 vitesh në Zvicër, ku ka marrë pjesë aktive në jetën shoqërore të shqiptarëve të këtushëm.

Zgjedhjet për kryetar të Komunës së Ferizajt do të mbahen më 29 prill.