Kosova me pemë dhe perime të freskëta

Rahoveci, Mamusha, Prizreni dhe Suhareka tashmë kanë një pikë grumbulluese 300 tonësh me frigoriferët ku mund të ruhen perimet e freskëta

Projekti ka kushtuar 339 mijë euro dhe është financuar nga Zyra Ndërlidhëse e Komisionit Evropian dhe Komuna e Rahovecit.

Ministri kosovar i Bujqësisë, Blerand Stavileci tha se gradualisht po merr fund shitja e produkteve gjatë pikut sezonal dhe, sipas tij, fermerët përmes pikave grumbulluese do të përfitojnë shumë, transmetojnë mediat e Kosovës.

Ndërsa menaxheri i projektit, Fehim Krasniqi në këtë pikë, janë punësuar 10 persona, ndërsa në sezon do të punësohet edhe 30 deri në 40 të tjerë.

“Kapacitet e qendrës grumbulluese janë dy deri në tre tonë klasifikim në orë, ndërsa kapacitet ruajtëse janë nga 250 deri në 300 tonë. Ka kapacitete ftohëse, dy frigoriferë deri në 800 metra ku mund të ruhen këta tonë me perime të freskëta. Ky projekt është financuar nga Komisioni Evropian ku vlera e tij ka qenë 339 mijë euro, ku Komuna e Rahavecit ka participuar me 40 mijë euro”, tha  Krasniqi.

Përfaqësuesit e Komisionit Evropian kanë pohuar se kjo qendër është shumë e rëndësishme meqë me kapacitetet dhe pajisjet e veta, mundëson që produktet të mos shiten gjatë sezonit kryesor por nëpërmjet frigoriferëve mundësohet ruajtja e tyre, kurse shitja në një moment më të favorshëm.

Në kuadër të këtij projekti gjithashtu ka pasur edhe trajnime për fermerët se si t’i ruajnë dhe t’i grumbullojnë produktet e tyre, e t’i shesin në një kohë kur ekzistojnë më pak në treg