Gjyqtarë hungarez interesohen për riatdhesimin

© Zëvendësministri i Punëve të Brendshme, Sasha Rashiq

Një grup gjyqtarësh hungarezë vizituan Ministrinë e Punëve të Brendshme të Kosovës. Zëvendësministrat e Ministrisë së Punëve të Brendshme, Izmi Zeka dhe Sasha Rashiq, iu përgjigjen interesimeve të mysafirëve rreth shtetësisë, kushteve për personat që riatdhesohen dhe gjendjen e sigurisë në Kosovë.

Gjyqtarët u interesuan të dinë se cilat janë kushtet pas refuzimit të azilit të shtetasve kosovarë dhe kërkuan bashkëpunim në mënyrë që të dihet se a rrezikohen ata persona pas kthimit në Kosovë, në mënyrë që nëse kjo rezulton me rrezik ata të mbrohen nga shteti hungarez.

Zëvendësministri i Punëve të Brendshme, Sasha Rashiq, ka theksuar se gjendja e sigurisë në Kosovë është stabile dhe nuk është më arsye që njerëzit të kërkojnë azil në vendet e perëndimit, kurse Qeveria ka ndarë një fond të veçantë për të ndihmuar personat që riatdhesohen.

Zëvendësministri tjetër i Brendshëm, Izmi Zeka, ka deklaruar se MPB ka 14 strategji nacionale dhe në kuadër të tyre është edhe strategjia për migrim. Në këtë bazë është Ligji për ri-pranim.

“Ne kemi nënshkruar 15 marrëveshje për ripranim me shtete të ndryshme, ku qëndrojnë qytetarë të Republikës së Kosovës në mënyrë jo të rregullt. Gjithashtu ekziston një bord i sekretarëve të përgjithshëm në kuadër të disa ministrive të Qeverisë, të cilët shqyrtojë kërkesat e personave që riatdhesohen dhe marrin vendime në përmirësimin dhe socializmin e jetës së tyre pas kthimit në Kosovë”,, ka theksuar zëvendësministri Zeka, njofton MPB-ja.