Presidenti i Zvicrës në qershor viziton Kosovën

Sipas Thaçit, nga Seuli të Koresë Jugore për në Munih të Gjermanisë ka fluturuar bashkë me presidentin e Zvicrës dhe kryeministrin e Holandës Mark Rutte

Presidenti i Konfederatës së Zvicrës, Alain Berset në qershor do të qëndrojë në një vizitë zyrtare në Kosovë. Kështu ka deklaruar presidenti i Kosovës Hashim Thaçi nëpërmjet një postimi në Facebook, i cili ka shfaqur edhe një fotografi me presidentin helvetik. Sipas Thaçit, nga Seuli të Koresë Jugore për në Munih të Gjermanisë ka fluturuar bashkë me presidentin e Zvicrës dhe kryeministrin e Holandës Mark Rutte.

“Fluturimin nga Seuli në Munih e bëra së bashku me presidentin e Zvicrës, z.Alain Berset, dhe kryeministrin e Holandës, z. Mark Rutte. Presidenti i Zvicrës, z.Alain Berset, ma konfirmoi vizitën e tij zyrtare në Kosovë gjatë muajit qershor. Kosova është e bekuar që ka miq të tillë anë e mbanë botës”, ka shkruar Hashim Thaçi në facebook.