E-Diaspora
Bekim Jashari fton drenicakët e Zvicrës të investojnë në Skënderaj
Në këtë debat mërgimtarët kanë shprehur shqetësimin e tyre për kullat e Jasharëve që kanë filluar të dëmtohen për shkak të mungesës së përkujdesjes nga shteti
Të gjithë investitorët që do të vijnë për investime nga diaspora në Skënderaj nuk do të zhgënjehen asnjënëherë dhe se do të përfitojnë nga fuqia punëtore e lirë, ndërsa në 5 vjetët e para do të jenë të liruar nga të gjitha taksat komunale, ka premtuar lehtësime për mërgimtarët e Drenicës, të mbledhur në një takim në Cyrih, kryetari i Komunës së Skenderajt, Bekim Jashari, raporton albinfo.ch.
I pari i Komunës së Skenderaj ka folur për Parkun e Biznesit, për sfidat me të cilat ballafaqohen qytetarët e kësaj komune si dhe për mundësitë që ofron Skenderaj për investime që vijnë nga diaspora.
Jashari ka pranuar që ka ndodhur në disa raste të bllokohen kërkesat e Komunës së Skenderajit nga niveli qendror në Prishtinë, ndërsa ka premtuar se investitorët nga diaspora do të jenë të privilegjuar nga Komuna e Skenderajt.
«Deri tani më janë paraqitur 7-8 investitorë nga vende të ndryshme të Evropës që kanë ardhur nëpërmjet mërgimtarëve tanë, ndërsa unë nga 23 janari nuk kam asnjë përgjigje nga Qeveria, përkatësisht Ministria e Mjedisit dhe e Planifikimit Hapësinor për një tokë bujqësore që është e AKP-së, për të cilën kam kërkuar shpronësimin në tokë komunale», tha Jashari, duke premtuar se do të zgjidhen të gjitha këto çështje dhe se do të ketë siguri për të gjithë investitorët që vijnë nga jashtë.
Jashari tha se nuk mund të flitet më për tranzicion në Kosovë, por se sot ka ardhur koha për zhvillimin e vendit, ashtu si ka qenë dje për çlirimin e vendit.
Në këtë debat mërgimtarët kanë shprehur shqetësimin e tyre për kullat e Jasharëve që kanë filluar të dëmtohen për shkak të mungesës së përkujdesjes nga shteti.
Jashari ka treguar se deri tani janë regjistruar 11 milionë vizitorë që vizituan kullat e Jasharëve, ndërsa përgjegjësinë për mirëmbajtjen e tyre, sipas tij, e ka shteti i Kosovës.
Jashari ka njoftuar të pranishmit se në Skenderaj aktualisht funksionon vetëm fabrika e tjegullave me një numër shumë të vogël të punëtorëve,ndërsa shpreson se do të hapen fabrika të tjera nga investitorët e huaj.
Kryetari i Komunës së Skenderajt, Bekim Jashari, po qëndron për vizitë në Zvicër, i shoqëruar nga drejtori i Drejtorisë për Arsim.
Delegacioni nga Skenderaji gjatë kësaj vizite në Zvicër ka përfituar nga një donacion në vlerë prej 22 mijë frangash.
Bëhet fjalë për një kontigjent ndihmash me pajisje mjekësore, si shtretër spitalesh, karroca invalidësh, uniforma zjarrfikësish dhe pajisje tëtjera mjekësore.
Këto pajisje mjekësore janë të destinuara për nevojat e Shtëpisë për përkujdesjen e të moshuarve në Skenderaj ndërsa uniformat e zjarfikësve për njësitin e zjarrfikësve në këtë komunë.
Të tjera nga E-Diaspora
E-Diaspora
-
Iu keqësua gjendja shëndetësore gjatë fluturimit Zvicër – Kosovë, vdes gruaja kosovare Policia e Kosovës ka njoftuar se ka vdekur gruaja, të cilës iu keqësua gjendja shëndetësore gjatë...
-
Shqiptari plagos rëndë shqiptarin në Belgjikë
-
Duesseldorf
Welt: Shqiptari dyshohet se vrau pronarin e lokalit në Gjermani shkaku i borxheve të bixhozit
-
Mes një mijë konkurrentëve, shqiptarja fiton çmimin e tretë në finale e madhe të “Sanremo Junior”
-
Osmani: Mërgata, urë lidhëse mes Kosovës e Zvicrës
Jeta në Zvicër
-
Floriani 10 vjeçar bën selfie me Xhakën, i kushtoi babait të tij 2600 franga Floriani i vogël (10) është një tifoz i madh i Granit Xhakës: Nëntorin e kaluar, ai...
-
Pse 1 Maji nuk është festë publike kudo në Zvicër?
-
E hëna në Zvicër: Përmbledhje e lajmeve më të fundit
-
Çfarë do të votohet në Cyrih më 9 qershor?
-
Rriten rastet e abuzimit psikologjik të fëmijëve në Zvicër