E-Diaspora
Të regjistruar në ditarin shkollor, por Besardi dhe Sylvina dëbohen pa mëshirë
Besardi 6-vjeçar dhe Sylvina 9-vjeçare është dashur t`ia fillonin mësimit në shkollën fillore "Saint-Bruno". Por familja e tyre shqiptare, u dëbua në fund të gushtit si pjesë e një procedure administrative
Të hënën në mëngjes, në ditën e parë të shkollës, aktivistët nga “Rrjeti i arsimit pa kufij” (RESF) 33, ishin mbledhur para dyerve të shkollës “Saint-Bruno” në Bordeaux për të sensibilizuar ndërgjegjësimin midis mësuesve dhe prindërve të nxënësve, për situatën e familjes Toçilla.
Kjo familje shqiptare ka jetuar në Francë (në rrethin e La Benauge) që nga viti 2014 dhe është kthyer në vendin e tyre të origjinës më 24 gusht, në kuadër të një procedure të detyrimit për t’u larguar nga territori francez (OQTF). Procedurë që ishte objekt i një ankese.
Kësaj familje iu mohua e drejta e azilit dhe pastaj një kërkesë për rregullim të lejeqëndrimit. Ajo ishte ankuar kundër këtij detyrimi për tu larguar nga territori francez, por ankesa pranë Gjykatën administrative ishte pezulluar, transmeton albinfo.ch.
“Situata tronditëse dhe e papranueshme”
Të dy fëmijët e familjes së kthyer, Besardi 6-vjeçar dhe Sylvina 9-vjeçare, para disa vitesh ishin regjistruar në shkollën fillore “Saint-Bruno”. Ata është dashur të jenë të pranishëm në klasat e tyre përkatëse CP dhe CM1, emrat e tyre gjithashtu figuronin në ditarin e nxënësve që priteshin të vinin të hënën, shkruan “Sud Ouest”, përcjell Albinfo.ch.
Në fletushkat e tyre të titulluara “Dy karrige bosh në fillim të vitit shkollor”, aktivistët e RESF 33, të cilët gjithashtu duhej të kalonin një peticion në shkollë, denonconin një “situatë tronditëse dhe të papranueshme”. “Kjo familje duhet të kthehet”, thotë Brigitte Lopez, i nga rrjeti i Bordeaux.
Për shkaqe të problemeve neurologjike, babai ishte dërguar Spitalin universitar CHU Pellegrin. Prefektura e ka justifikuar dëbimin duke argumentuar me kërkesën e refuzuar për azil dhe faktin se Shqipëria është në gjendje të marrë përgjegjësinë për patologjinë e babait të familjes.
RESF 33 planifikon të kryejë veprime të reja dhe në veçanti të apelojë tek Didier Lallement, kryebashkiak i Gironde dhe Alain Juppé, kryebashkiaku i Bordeaux.
Të ngjashme
Të tjera nga E-Diaspora
E-Diaspora
-
Mes një mijë konkurrentëve, shqiptarja fiton çmimin e tretë në finale e madhe të “Sanremo Junior” Kjara Ibraj, këngëtarja e parë shqiptare fituese në “Sanremo Junior”...
-
Osmani: Mërgata, urë lidhëse mes Kosovës e Zvicrës
-
Floriani 10 vjeçar bën selfie me Xhakën, i kushtoi babait të tij 2600 franga
-
Detaje nga rasti kur një shtetas nga Kosova vrau pronarin e biznesit në Dyseldorf
-
Arnold “The Cobra” Gjergjaj triumfon në luftën e fundit
Jeta në Zvicër
-
Floriani 10 vjeçar bën selfie me Xhakën, i kushtoi babait të tij 2600 franga Floriani i vogël (10) është një tifoz i madh i Granit Xhakës: Nëntorin e kaluar, ai...
-
Pse 1 Maji nuk është festë publike kudo në Zvicër?
-
E hëna në Zvicër: Përmbledhje e lajmeve më të fundit
-
Çfarë do të votohet në Cyrih më 9 qershor?
-
Rriten rastet e abuzimit psikologjik të fëmijëve në Zvicër