Kosova
Pula: Thaçi po punon për minimin e ndikimit gjerman në Evropë
Sociologu Besnik Pula, profesor në Virginia Tech në Shtetet e Bashkuara të Amerikës, ka komentuar zhvillimet e fundit në Kosovë, veçmas idenë e fundit të presidentit Hashim Thaçi, për korrigjim të kufirit.
Pula ka thënë se Thaçi po punon në minimin e ndikimit gjerman në Evropë.
“Interesant është se si Thaçi në gjeopolitikën aktuale po punon në minimin e ndikimit gjerman në Evropë. Berlini ia ka bërë të qartë Serbisë se nuk ka anëtarësim të Serbisë në BE pa zgjidhjen e problemit me Kosovën. Me një fjalë njohjen e Kosovës si të pavarur. Kjo domethënë një gjë – se në këtë pikëpamje, faktori kohë punon në favor të Kosovës, përderisa Gjermania ka mbajtur këtë qëndrim dhe përderisa Serbia do gjithsesi të bëhet pjesë e BE-së”, ka komentuar Pula.
“Por jo – Thaçi, në synim për faktorizimin e vetes me çdo kusht e me çfarëdo çmimi, për bërjen e një ‘marrëveshjeje historike’ me partnerin e tij serb, fut në lojë territoret e Kosovës. Kërkesë kjo e kahershme e Beogradit. Serbia në këtë anashkalon Berlinin, duke marrë mbështetjen e faktorëve pro-serbë në Washington, arrivistëve ambiciozë në Vjenë si kryeministri i saj i ri Kurz, dhe sigurisht bekimin e Moskës (e cila do të jetë përfituesi më i madh i legjitimimit të konceptit të ‘korrigjimit të kufijve’ në Evropë). Tani edhe pasi Berlini përsëritë kundërshtinë e vet – njëherë nga kancelarja Merkel në Shkup dhe pastaj nga ambasadori gjerman në Beograd – që e bën edhe Vuçiqin të tregohet më i matur në qasjen e tij, është pikërisht Thaçi ai që insiston në domosdoshmërinë e ndryshimit të kufijve”, ka shtuar më tej Pula, që ka shtruar edhe një pyetje në fund. “Vërtetë, për llogari të kujt punon ky njeri?”, shkruan ‘koha.net’, përcjell albinfo.ch.
Të ngjashme
Të tjera nga Kosova
E-Diaspora
-
Njoftim për diasporën: Vetëm edhe 10 ditë për regjistrimin e popullsisë, ReKos 2024 Konsullatat e përgjithshme në të gjitha shtetet e Evropës, përfshirë edhe shtetasit shqiptarë në Amerikë dhe...
-
Ardon Jashari, me çmimin “Safp Golden Eleven” si mesfushori më i mirë në Zvicër
-
9-vjeçarja Moda Ademi performoi në koncertin Rock Pop Jazz Night
-
Prof. Dr. Schader: Pa përpjekjet e duhura, shqipja në Zvicër rrezikon të shuhet pas dy brezave
-
Shqipja në Zvicër, pak histori dhe disa probleme aktuale
Jeta në Zvicër
-
Zvicra dhe Kosova marrëveshje bashkëpunimi për projektin “Matching Skills to Jobs” Mbështetja e sistemit të arsimit profesional, ambasadori Sprecher dhe ministrja Nagavci nënshkruan marrëveshje bashkëpunimi për projektin...
-
Ardon Jashari, me çmimin “Safp Golden Eleven” si mesfushori më i mirë në Zvicër
-
9-vjeçarja Moda Ademi performoi në koncertin Rock Pop Jazz Night
-
Migrimi ndërmjet kantoneve zvicerane – fituesit dhe humbësit
-
Rritje e racizmit në shkollat zvicerane