Rekord: Papunësia në Gjermani, në nivelin më të ulët që nga viti 1991

(AP Photo/Matthias Schrader)

Numri i të papunëve në Gjermani në muajin shtator ka rënë në 2.26 milionë. Bëhet fjalë për shifra më të ulëta që nga viti 1991.

Numri i përgjithshëm i punëkërkuesve u zvogëlua me 94 mijë krahasuar me muajin paraprak dhe me 192 mijë në të njëjtin muaj të vitit të kaluar.

Papunësia tani është pesë për qind, thanë autoritetet, shkruan albinfo.ch.

«Numri i vendeve të punës për të cilat paguhen kontribute sociale po rritet dhe kërkesa për punësim vazhdon», tha kreu i Agjencisë së Punësimit, Detlef Scheele.