Kancelari i Austrisë: Disa shtete janë skeptike për vizat

Kancelari i Austrisë, Sebastian Kurz, është shprehur se pa marrëveshje ndërmjet Kosovës e Serbisë nuk ka stabilitet në rajon.

“Unë do të bëj çdo gjë që është në fuqinë time që të ketë paqe në rajon. Ne përkrahim në shumë fusha Kosovën”, tha ai sot në një konferencë për media, raporton RTKlive.

Për vizat, Kancelari i Austrisë Sebastian Kurz, tha se ka disa shtete që janë skeptike.

“Pritjet e BE-së, janë në fushën për sundimin e ligjit. Prioritetet kryesore janë edhe për dialogun Kosovë-Serbi. Edhe për ushtrinë kosovare jemi skeptike dhe duhet të ketë dialog, ne presim që në rajon të ketë stabilitet në rajon dhe jo destabilizim në rajon. Për shkëmbimin e territoreve qeveria e Austrisë pajtohet me secilin marrëveshje që është nga Kosova e Serbia”, tha ai, përcjell albinfo.ch.

Kurse presidenti i Kosovës, Hashim Thaçi, tha se Kosova po punon në rrugën e saj për NATO dhe BE.

“Austria e ka rolin e saj të rëndësishëm në zhvillimin e Kosovës”, tha ai. Sipas tij vizita e Kancelarit të Austrisë, Sebastian Kurz, do të jetë impuls për zhvillimin e rajonit.