“Gem Chimica” zgjedh të investojë në Shqipëri

Në Tiranë është duke u mbajtur panairin ndërkombëtar Klik Ekspo Grup. Shumë kompani nga vende të ndryshe po marrin pjesë në të, ku Shqipëria u ka paraqitur atyre mundësit për të bërë biznes në këtë vend. Mediat në Shqipëri raportojnë së një kompania italiane “Gem Chimica”, pjesëmarrëse në këtë panair ka shprehur interesim për të investuar në Shqipëri, shkruan Albinfo.ch

Pronari i saj, Graciano Çauti, citohet të ketë thënë se në Shqipëri ka gjetur një klimë të favorshme për të bërë biznes. “Në qershor erdhëm në Shqipëri, për herë të parë.Kemi rreth 40 vjet që merremi me trajtimin e ujit dhe sigurinë agroushqimore.Vendosem të vijmë në Shqipëri, pasi kuptuam se ka një treg interesant, kjo edhe për shkak të dëshirës së Shqipërisë, për t’u integruar në Bashkimin Evropian dhe për të arritur standarde të larta në këtë fushë, njëlloj si vendet e BE-së. Puna jonë konsiston në ofrimin e një produkti cilësor për qytetaret për sa i përket ujit të pijshëm dhe produkteve ushqimore”, ka thënë ai. Drejtuesi i firmës “Gem Chimica” tha se një prej arsyeve primare pse zgjodhi Shqipërinë për të investuar ishte sistemi fiskal i favorshëm.