Çmimi i naftës vazhdon të rritet në Shqipëri

Shqipëria mbetet një ndër vendet më çmimin më të lartë të naftës në Europë, ndërsa cilësia e karburanteve lë shumë për të dëshiruar.  Tregu i shitjes së karburanteve me pakicë dhe shumicë nuk e reflekton pothuajse fare uljen e çmimit në tregjet botërore, por reflekton pothuajse menjëherë rritjen e tij, shkruan Albinfo.ch

Në Shqipëri një litër naftë kushton rreth 182-184 lekë. Ndryshe nafta në tregjet ndërkombëtare ka rënë në nivelin më të ulët që prej tetorit të vitit të kaluar.  Çmimi i naftës amerikane ka rënë në 50,42 dollarë për fuçi, ndërsa çmimi i naftës në Londër ra 6,1 për qind, dhe tashmë një fuçi naftë në Londër u shit për 58,8 dollarë.