Studentët në Tiranë u rikthehen protestave

Studentët në Shqipëri e kanë rinisur protestën e tyre, e cila po mbahet para Kryeministrisë në Tiranë.

“Ne nuk bëhemi vegël e politikës. Nuk dorëzohemi. Përballë Kryeministrisë!”, është motoja e re e studentëve protestues, përcjell albinfo.ch.

Studentët e kanë nisur herët në mëngjes aksionin e tyre. Klajdi Bello, një nga studentët me aktivë të protestës, ka postuar një video në Facebook, ku shihet një student duke gozhduar derën e një prej fakulteteve për të mos lejuar zhvillimin e procesit mësimor.
“Mirëmëngjesi! Përgatitjet kanë filluar. Meqenëse disa dekanë dhe rektorë kanë kërkuar të fillojë mësimi, studentët po ua kthejnë përgjigjen në mënyrën e tyre”, ka shkruar ai.