Teatër
Kabareja shqiptare „Du gru me letra“, nesër në Munih
Komedia „Du gru me letra“ flet për realitetin e vendeve të Ballkanit në përgjithësi dhe trojeve shqiptare në veçanti, të cilët lënë vendet e tyre për një jetë më të mirë.
Pas suksesit të komedisë „Gurbetçari“ të shfaqur vitin e kaluar para bashkatdhetarëve tanë nëpër Evropë, aktori Kreshnik Ibrahimi vjen me kabarenë „Du gru me letra“.
Shfaqja do të mbahet të dielën, më 10 shkurt, nga ora 19.00 në “Kulturhaus Milbertshofen“ në Munih të Gjermanisë.
Komedia „Du gru me letra“ flet për realitetin e vendeve të Ballkanit në përgjithësi dhe trojeve shqiptare në veçanti, të cilët lënë vendet e tyre për një jetë më të mirë. Dhe, si një zgjidhje për problemet ekonomike, ata martohen në shtetet evropiane. Natyrisht, e gjithë kjo histori përshkruhet në komedi me humor dhe të qeshura.
“Ndjej një emocion të madh të ngjitëm në skenë me një kabare në gjuhën tonë. Mezi pres momentin të ndizen dritat, të dal në skenë dhe t’ju shoh në sy të gjithëve. Ky shikim do të jetë një shenjë falënderimi për të gjithë ju. Për ju, populli im, që më keni duartrokitur gjithë këto vite. Për ju që keni vendosur të vini dhe të shikoni një aktor shqiptar”, thotë aktori Ibrahimi, përcjell albinfo.ch.
Komedia do të shfaqet në gjuhën shqipe dhe hyrja do të jetë vetëm 20 euro. Sipas organizatorëve, interesimi është shumë i madh dhe tashmë kanë mbetur vetëm edhe disa vende të lira. Megjithatë, pavarësisht a do të jetë salla plot apo jo, për Kreshnikun nuk ka shumë rëndësi.
“Sikur edhe një person i vetëm të jetë në sallë, unë do të luaj me gjithë shpirt dhe pasionin tim”, shprehet ai.
Ndryshe, Kreshnik Ibrahimi tash e disa javë ka filluar edhe emisionin televiziv për diasporë “Ich Bin Albaner”, i cili transmetohet çdo të diel prej orën 17.00 në “RTV Dukagjini”.
Të ngjashme
Të tjera nga Teatër
E-Diaspora
-
Robin Krasniqi fiton me pikë ndaj portugezit Jorge Silva Boksieri kosovar, Robin (Haxhi) Krasniqi, ka mposhtur portugezin Jorge Silva të shtunën, në meçin e zhvilluar...
-
Sot shfaqet në Cyrih filmi “The Land within”, i regjisorit Fisnik Maxville
-
Edi Rama e konfirmon: Më 12 maj jam në Athinë, nisim rrugëtimin e pranverës në diasporë
-
Kalabri - Itali
Gennaro Gattuso flet për rrënjët e tij në Kalabri
-
Gjermani
Iu dha lamtumira e fundit dje mërgimtarit nga Gjermania që humbi jetën në vendin e punës
Jeta në Zvicër
-
Sot zviceranët votojnë për ligjin e ri të biçikletave dhe kredinë për shkollën profesionale Sot banorët e Glarus-it që kanë të drejtë vote takohen në komunitetin rajonal. Vetëm disa transaksione...
-
Rritje 293 për qind e studentëve të huaj në Universitetin e Cyrihut
-
Nëntë kilometra bllokim trafiku përpara tunelit Gotthard
-
A është e ligjshme djegia e flamurit të Zvicrës?
-
Pesë lajme të mëdha nga Zvicra, për të cilat duhet të dini këtë javë