Një muaj paraburgim mësuesit abuzues

Foto: RTV 21

Gjykata Themelore në Prishtinë njofton se ka vendosur lidhur me kërkesën e Prokurorisë Themelore në Prishtinë për caktimin e masës së paraburgimit kundër të pandehurit SH.XH. për shkak të veprës penale ‘keqpërdorim seksual duke keqpërdorur pozitën’, transmeton albinfo.ch.

Gjykata ka marrë aktvendim dhe të pandehurit SH.XH. i është caktuar masa e paraburgimit prej datës 07.02.2019 deri me datë 07.03.2019.

“Ekziston dyshimi i bazuar se i pandehuri SH.XH. duke shfrytëzuar detyrën apo autoritetin zyrtar ka keqpërdorur pozitën, autoritetin dhe profesionin e tij si mësimdhënës”, thuhet në njoftim.

Një muaj paraburgim i është shqiptuar edhe zyrtarit policor lidhur me këtë rast, ndërsa pritet të merret vendimi edhe për gjinekologun që është arrestuar lidhur me rastin e abuzimit seksual të së miturës nga Drenasi.