Festa e Pavarësisë, nisin manifestimet

Në 11-vjetorin e Pavarësisë së Kosovë, presidenti i Kosovës, Hashim Thaçi, i shoqëruar nga kryeministri Ramush Haradinaj dhe gjithë kabineti qeveritar kanë bërë homazhe dhe kanë vendosur kurora lulesh tek kompleksi memorial “Adem Jashari” në Prekaz.

Presidenti i Kosovës, Hashim Thaçi ,me këtë rast tha se kanë ardhur në Prekaz të nderojnë sakrificën sublime të familjes Jashari, e cila është edhe bazamenti i lirisë dhe pavarësisë së Kosovës, përcjell albinfo.ch.

Haradinaj më pas vizitën e tij e vazhdoi edhe tek kulla e Jasharajve, por pa presidentin Thaçi.

Pas vizitës në Prekaz, kreu i shtetit do të bëjë homazhe edhe te varri i veprimtarit të madh, i cili ndërroi jetë vitin që shkoi, Adem Demaçi.

Kuvendi i Kosovës po mban seancë solemne për 11-vjetorin e Pavarësisë së Kosovës.

Pjesëmarrës në seancën solemne janë edhe presidenti Hashim Thaçi, kryeministri i Shqipërisë Edi Rama dhe ish-ambasadori i misionit të OKB’së në Kosovë, William Walker.