Shqipëria

Zyrtari i lartë i BE-së, në Tiranë për krizën politike

E mërkurë, 6 Mars 2019 - 20:40 albinfo.ch

Keystone EPA/MALTON DIBRA

Pas delegacionit të Parlamentit Evropian, Drejtori i Përgjithshëm për Politikat Evropiane të Fqinjësisë dhe Negocimet e Zgjerimit, Christian Danielsson, do të zhvillojë të enjten një vizitë njëditore në Tiranë.

Vizita e zyrtarit të lartë të BE-së ishte programuar më parë, por tashmë duket se agjenda e tij ka ndryshuar për shkak të krizës politike në Shqipëri , situatë e cila mendohet të marrë edhe të gjithë fokusin e diskutimeve.

Christian Danielsson do të ketë takime me kryeministrin Edi Rama, e më pas me kreun e PD-së, Lulzim Basha. Në përfundim të takimeve, Danielsson do të mbajë një konferencë për media.