Presidenti i Shqipërisë në Azerbajxhan, takon Agollin e Lilajn

Presidenti i Shqipërisë, Ilir Meta, ka udhëtuar për në Azerbajxhan, ku do të marrë  pjesë në Forumin e 7 Global të Bakusë, me temë: “Një Politikë e Jashtme e Re”.

Me këtë rast, Presidenti Meta do të mbajë një fjalë në hapje të Forumit dhe do të zhvillojë takime dypalëshe me Presidentin e Azerbajxhanit, Ilham Aliyev, si dhe homologë të tjerë pjesëmarrës në Forum.

Me mbërritjen e tij në kryeqytetin e Azerbajxhanit, takimin e parë Meta e bëri me dy futbollistët e Kombëtares Shqiptare, Ansi Agollin dhe Sabien Lilajn.

Meta i cilësoi si ambasadorët më të mirë të Shqipërisë futbollistët, duke shpërndarë edhe foton me ta në rrjetet sociale.