”Eclipse”, quhet filmi i ri për James Bond-in

Kapitulli i 25-të i filmave me James Bond ka hasur jo pak vështirësi deri tani, por një lajm i mirë vjen nga ‘Production Weekly”, sipas të cilit filmi i radhës me Agjentin 007 mund të titullohet ”Eclipse”.

Në shkurt u përfol se emri i filmit do të jet “Shatterhand”, por përfaqësues të produksionit e hodhën poshtë këtë ide, përcjell albinfo.ch.

Xhirimet për filmin janë paraparë të nisur më 6 prill në “Pinewood Studios” dhe do të bëhen në Londër dhe në Matera të Italisë. Rami Malek është angazhuar për të interpretuar personazhin negativ në filmin me protagonist kryesor Daniel Craig.

Ndërsa Naomie Harris, Ralph Fiennes e Ben Whishaë do të rikthehen në rolet përkatëse.