Suva “kap” dukshëm më shumë raste të abuzimit me invaliditet

"Me inkuadrimin e sërishëm të detektivëve që është mundësuar nga ligji mbi observimin, i miratuar në vitin 2018, gjatë vitit në vijim do të ketë mundësi që të pengohet abuzimi i edhe më shumë milionë frangave"

Suva, kompania më e madhe zvicerane për sigurimin invalidor, vitin e kaluar ka mbikëqyrur  1727 raste të konisderuara si të dyshimta, gjegjësisht kur është menduar se personat e siguruar po përfitonin pa të drejtë para në emër të sigurimit invalidor. Nga kjo shifër, Suva ka ndërprerë rrjedhjen e parave në 407 raste.

Shuma e kursyer në këtë mënyrë arrin në 17.3 milionë franga, që është për 4.8 milionë më shumë se një vit më parë, shkruan srf.ch.

Numri prej 1727 rasteve të dyshuara, nga gjithsej 240.000 të siguruar, është për një të tretën më i madh se ai i një viti më parë, transmeton albinfo.ch. Mesatarja e kursimit vitin e kaluar ka qenë 42500 franga për çdo rast, që është më pak se në vitin 2017, kur kjo mesatare ishte 49800 franga.

Që nga fillimi i luftimit të abuzimeve, në vitin 2007, është mundësuar kursimi i më shumë se 164 milionë frangave, bën të ditur Suva.

Me inkuadrimin e sërishëm të detektivëve që është mundësuar nga ligji mbi observimin, i miratuar në vitin 2018, gjatë vitit në vijim do të ketë mundësi që të pengohet abuzimi i edhe më shumë milionë frangave, transmeton albinfo.ch komunikatën e Suva-s. Ato i bien barrë shumicës dërmuese të paguesve të rregullt e të ndershëm të premive, thonë në Suva.

Suva bën kujdes që të mos shkelet parimi i solidaritetit. Po ashtu ajo dëshiron që të marrë seriozisht mbrojtjen e sferës private të të siguruarve ndërsa vendimet për përgjim (shfrytëzimin e detektivëve) do t`i marrë vetëm si mjet të fundit për luftimin e keqpërdorimeve.

---