Betohen deputetët e rinj në Kuvendin e Shqipërisë 

Pas marrjes së mandateve nga KQZ-ja, në seancën e Kuvendit të Shqipërisë u betuan deputetët e rinj Arben Elezi i PD-së në Qarkun e Elbasanit dhe Adriatik Alimadhi, deputeti i PD-së në Qarkun e Vlorës. 

Por, në seancën e së enjtes ishte parashikuar edhe deputetja që del nga listat e LSI-së, Amra Barova. Ajo nuk ishte e pranishme në seancë dhe do të betohet në seancën e ardhshme parlamentare, përcjell albinfo.ch.

Pas betimit të deputetëve të opozitës, seanca plenare nisi me diskutimet për raportin e veprimtarisë vjetore të Komisionarit për të Drejtën e Informimit dhe Mbrojtjen e të Dhënave Personale për vitin 2018.