Agroturistët shqiptarë përfitojnë nga ekspertiza zvicerane

Një delegacion prej 15 operatorëve të agroturizmit nga Shqipëria ka vizituar ditëve të fundit kompanitë lidere zvicerane të kësaj fushe

Në emrin e Fondacionit “Helvetas”, ndërmarrja e specializuar për këshillime dhe menaxhim projektes “Gutundgut” e Cyrihut ka organizuar një vizitë të operatorëve shqiptarë të agroturizmit në Kantonet Appenzell dhe Luzern.

Pikat kulmore të kësaj vizite kanë qenë përjetimet në Waldegg, në fshatin turistik Urnäsch, pastaj vizita në “Appenzeller Alpenbitter” në Appenzelerland si dhe vizitat në “Fishing on the Farm”, “Bauer Fritz” dhe “Agrovision” në Kantonin e Lucernit, shkruan htr.ch

Duke shkëmbyer përvojat me ofertuesit zviceranë, vizitorët nga Shqipëria kanë përfituar sidomos në lëmin e zhvillimit të ofertës dhe atë të marketingut të produkteve, transmeton albinfo.ch. Përveç ofertuesve të hoteleve të vogla dhe fermave me dhoma për turistë, ndër mikpritësit kanë qenë edhe profesionistë nga fusha e kultivimit të peshkut, punëdores, distilerisë, bletarisë, të zyrave turistike dhe të drejtuesve të tureve.

Objektiv i projektit “binjakëzues” është stabilizimi afatgjatë i shkëmbimeve në mes të ndërmarrjeve shqiptare dhe zvicerane të agroturizmit.

Në nëntorin e kaluar ka vizituar një grup profesionishtësh zviceranë ofertuesit shqiptarë në zonat e izoluara dhe deri tash dobët të zhvilluara turistike të Shqipërisë, përcjell albinfo.ch. Nga Zvicra atje kanë qenë specialistë për kultivimin e kuajve, ekspertë të bujqësisë, udhëheqës të tureve, të parahotelerisë dhe ekipi i “Gutundgut” me ekspertizë nga arkitektura, turizmi dhe hoteleria.

---