Vdes punëtori që u rrëzua duke punuar në “Arena Kombëtare”

Një punëtor humbi jetën ditën e djeshme gjatë punës në kantierin e ndërtimit të stadiumit “Arena Kombëtare” në Tiranë.

Sipas policisë shqiptare, viktima është 40-vjeçari Naim Idrizi, i cili dyshohet se ka rënë nga lartësia gjatë paradites së djeshme, duke punuar në ambientet e stadiumit, raportojnë mediat shqiptare.

Ai është transportuar në gjendje të rëndë shëndetësore për ndihmë mjekësore në spital, por humbi jetën pas disa orësh atje, përcjell albinfo.ch.

Disa orë më vonë ai ndërroi jetë si pasojë e dëmtimeve të rënda të marra. Policia thotë se po punon për zbardhjen e plotë të rrethanave të ngjarjes.

Stadiumi “Arena Kombëtare” pritet të hapet në muajin qershor në ndeshjen Shqipëri-Moldavi, derisa kjo është viktima e parë gjatë punimeve në këtë stadium.