A bëri ndërhyrje kirurgjike Bebe Rexha, përgjigjet këngëtarja

Keystone (Photo by Jordan Strauss/Invision/AP)

Këngëtarja shqiptare me famë botërore, Bebe Rexha, duke u përgjigjur fansave në rrjetet sociale ka mohuar se ka bërë ndërhyrje kirurgjikale në trupin e saj.

Madje ajo ka thënë se u frikësohet operacioneve.

Rexha tha se nëse do bënte një ndërhyrje ndonjëherë atëherë do e bënte për të rregulluar hundën e saj, transmeton albinfo.ch.

“Mendoj se thashethemet janë qesharake. Asnjëherë nuk kam bërë ndërhyrje në të pasmet apo në hundë. Në të vërtetë, kockën e hundës e kam të devijuar por kam frikë ta rregulloj. Kam frikë të shkoj nën thikë. Ndoshta mund të ma bëjnë hundën më keq. Por nëse do kisha bërë ndërhyrje do e pranoja”, ka shkruar Bebe në instagram.