E-Diaspora
Oda Tregtare Zvicër – Kosovë themelohet me bekimin e niveleve më të larta politike
Në një prani të nivelit të lartë politik është bërë sot në Schlieren të Cyrihut themelimi i Odës Tregtare Zvicër-Kosovë. Këtë eveniment e kanë përshëndetur ministri federal i Ekonomisë i Zvicrës, Guy Parmelin, zëvendëskryeministri i Kosovës, Enver Hoxhaj dhe ministri i Ekonomisë në Qeverinë e Kosovës, Valdrin Lluka.
Parmelin, në një fjalë të frymëzuar, ka folur gjerësisht për marrëdhëniet mes dy vendeve, për integrimin e sukseshëm të kosovarëve në Zvicër, mbështetjen zvicerane për Kosovën etj. Ai ka veçuar me këtë rast rolin e madh pozitiv të platformës mediale albinfo.ch në të gjitha këto rezultate.
Në fjalën e tij ministri zviceran ka përshëndetur iniciativën duke vlerësuar lartë marrëdhëniet e gjithanshme në mes të Zvicrës dhe Kosovës. Në një raport të tillë, themelimi i Odës Tregtare përbën edhe një hap të rëndësishëm dhe një shtyllë të fuqishme në marrëdhëniet mes dy vendeve.
Homologu i tij ksovar Valdrin Lluka është shprehur po ashtu në superlativ për marrëniet që ka Kosova me Zvicrën, duke nënvizuar se shteti helvetik është njëri ndër tri vendet që kanë investuar më së shumti në Kosovë.
Kryetari i Odës Ekonomike Zvicër-Kosovë, Musa Komani në paraqitjen e tij të parë para publikut është shprehur se themelimi i Odës… është një kontribut në thellimin e mëtejmë të marrëdhënieve Zvicër-Kosovë. Ndërsa nënkryetari Odës së posathemeluar, politikani i njohur zviceran Alfred Heer ka prekur në fjalën e tij aspekteve të ndryshme të marrëdhënieve mes dy vendeve. Me themelimin e kësaj organizate, po jepet një kontribut në avancimin e marrëdhënieve ekonomike.
Me fjalë rasti janë paraqitur edhe zëvendësministrja në Ministrinë e Punëve të Jashtme të Kosovës, Rejhan Vuniqi, deputetët nacionalë të Zvicrës, Felix Müri dhe Cedric Wermuth, bashkëkryetarë të Grupit Parlamenntar të Kosovës në Parlamentin e Zvicrës, ministri këshilltar në Ambasadën e Republikës së Kosovës në Bernë, Islam Spahiu si njëri ndër iniciuesit për themelimin e Odës…, mjeku i shquar, kardiokirurgu i njohur shqiptar në Zvicër, Dr. Omer Xhemali, kryetari i Shoqatës Tregtare të Zvicrës Hans Ulrich Bigler, kryetari i Komunës së Gjilanit, Lutfi Haziri etj.
Të ngjashme
Opinione tjera
E-Diaspora
-
Vjenë
Suedi: Ekipi “kikiriki” nga Vjena fitoi vendin e parë në konkursin “Kuizi i Diturisë” Siç e dini, “Kikiriki-shqip me fëmijë” është emision gjithëpërfshirës në gjuhën amtarë, ku fëmijët shqiptarë nga...
-
5 monumente të reja në Europë në nder të Heroit Kombëtar
-
Gjuha shqipe forcon integrimin
-
Flisni shqip në Zvicër!
-
RTS: “Toka Brenda Meje” e Fisnik Maxville-it trajton traumën e Kosovës
Jeta në Zvicër
-
Numri i punëtorëve ndërkufitarë në Zvicër është rritur Në fund të marsit, në Zvicër ishin rreth 400,000 mbajtës të lejeve G të punësuar –...
-
Neuchâtel: Një algjerian 29-vjeçar u gjet pa shenja jete, në qeli
-
Kantonet zvicerane me plane për të punësuar më shumë mësues të huaj
-
Bernë: Merret vendimi për gruan e cila vrau kryetarin e bashkisë së Lauterbrunnen pasi e goditi 58 herë me thikë
-
Pse Zvicra subvencionon tarifat vetëm për disa studentë të huaj?