Shqipëria
Diaspora dhe bizneset bavareze, letër të hapur Bashës për dhunën në protesta
Dhuna në protestën e opozitës ka dëmtuar rëndë bizneset, sidomos turizmin.
Për këtë arsye diaspora dhe bizneset bavareze i janë drejtuar me një letër të hapur kreut të Partisë Demokratike, Lulzim Basha, duke e apeluar që të ndikojë te simpatizantët e tij për të ndaluar dhunën.
“Kur shteti rrezikohet duhet të veprojmë mençurisht të gjithë, ndërsa ju si opozitarë keni edhe obligim jo vetëm ligjor, por edhe moral të ndikoni pozitivisht që Shqipëria të fitojë në imazh”, thuhet në letër.
“Ne, bizneset bavareze të mbledhur rreth fondacionit Besa kërkojmë nga ju që në mënyrë imediate të ndikoni te simpatizantët tuaj, të cilët nuk janë te pakët, të angazhoheni në frymën e partive Popullore Europiane, familjes së cilës i takon edhe Partia Demokratike”, vijon letra.
“Disa nga bizneset tona punojmë me vite të tëra suksesshëm në dikasterin e Turizmit dhe Hotelerisë, prandaj kemi arsye të fortë t’ju shkruajmë këtë letër. Disa klientë, të cilët me shumë angazhim janë bindur që të vizitohet Shqipëria, pasi kanë prenotuar plazhin e Dhërmiut, kanë kërkuar të tërhiqen këto prenotime, po deshët do t’jua argumentojmë edhe me dokumente”, theksohet në letër.
Diaspora dhe bizneset bavareze apelojnë edhe kryeministrin Edi Rama që të ulet me opozitën.
“Z. Rama gjithashtu i apelojmë që të uleni me opozitën dhe të merreni vesh për Shqipërinë europiane. Gjithçka është e mundur në qoftë se e doni Shqipërinë. Ne Diaspora nga Bavaria u jemi në dispozicion vëllazërisht t’ju mbështesim pa kushte, vetëm që Shqipëria të përparojë. Sepse nëse Shqipëria është e fortë, është edhe Kosova”, thuhet në letrën e dërguar në emër të bizneseve kosovaro-bavareze nga nënkryetari dhe zëdhënësi, Ilir Seferi.
Të ngjashme
Të tjera nga Shqipëria
E-Diaspora
-
Sot fillon në Cyrih Festivali i Filmit “Kino Kosova” Platforma albinfo.ch është partnere mediale e festivalit dhe ajo do të ju mbajë të informuar mbi...
-
Vjenë
Vjenë: Kori Siparantum, edhe me një paraqitje në skenën prestigjioze
-
“Deputetët nga këto shtete janë kundër anëtarësimit të Kosovës në KiE”
-
Gjenevë
Gjenevë: Ramë Dardania sjell ekspozitë më 14 qershor
-
Mentor Latifi është emëruar ambasador i ri i Kosovës në Zvicër
Jeta në Zvicër
-
Linja ajrore SWISS rifillon fluturimet e saj drejt Iranit Pas pezullimit të operacioneve të saj në Bejrut dhe anashkalimit të hapësirës ajrore iraniane që nga...
-
Udhëtimi me tren nga Zvicra në këto qytete italiane do të ndërpritet për tre muaj
-
Mentor Latifi është emëruar ambasador i ri i Kosovës në Zvicër
-
Zvicër: Votimi i shtrenjtë për ligjin për furnizimin me energji elektrike
-
Policia e Thurgau-ut, me apel interesant