Shqipëria
Ngriten temperaturat, fillon plazhi në Shqipëri
Ngritja e menjëhershme e temperaturave këtë fundjavë qershori ka mbushur plazhet buzë Adriatikut me pushues vendas e të huaj.
Banjat e ujit e diellit, lojërat në bregdet dhe një kafe apo drekë buzë detit, kanë ftuar pushuesit drejt plazheve që ende vijojnë të pastrohen e bëhen gati për muajt më të ngarkuar të sezonit turistik.
“Mirë shumë. Uji është i ngrohtë. Jam me fëmijët po kënaqemi. Shyqyr se na ikin ditët e koha. Kemi dal që herët e po pastronin”, tha një pushes, transmeton “TCH”.
Turistë të shumtë të huaj janë akomoduar përmes agjencive turistike në hotelet përgjatë bregdetit te Durrësit. Po ka dhe turistë të tjerë që kanë zgjedhur të pushojnë në brigjet shqiptare pa ndërmjetësinë e agjencive. Laura është një italiane nga Peruxhia, të cilën e solli në Shqipëri kurioziteti për të njohur vendin e origjinës së disa prej punonjësve të saj, përcjell albinfo.ch.
“Kam të punësuar 4 punëtorë shqiptarë dhe vendosa të shfrytëzoj linjën direkte nga Perugia dhe të shoh Shqipërinë. U mrekullova nga deti dhe nga hoteli e shërbimi këtu. Njerëzit mikpritës. Plazhi i pastër dhe gjithçka e mirë. Vij prej 5-6 vjetësh dhe çdo vit e më shumë vendi përmirësohet. Rrugët janë asfaltuar e janë të pastra tani. Edhe shëtitorja që po ndërtohet mes detit dhe hoteleve është një investim i mirë. Edhe ushqimi e gatimet. Çmimet janë shumë të mira”, thote turistja italiane.
Fluksi i pushuesve, këtë fundjavë, ka lënë të kënaqur edhe operatorët turistikë që shprehen se ky sezon i vonuar u ndikua jo vetëm nga kushtet atmosferike, po dhe nga klima politike në vend.
“Sezoni është shumë i vonuar dhe shkak ka qenë moti dhe protestat që kanë ndikuar shumë. Shpresojmë që në ditët në vazhdim të vijnë dhe grupet turistike. Maji ka qenë shumë keq, po qershori ka filluar mirë dhe jemi të gatshëm për këtë sezon”, tha Arben Drazhi, operator turistik.
Të ngjashme
Të tjera nga Shqipëria
E-Diaspora
-
Robin Krasniqi fiton me pikë ndaj portugezit Jorge Silva Boksieri kosovar, Robin (Haxhi) Krasniqi, ka mposhtur portugezin Jorge Silva të shtunën, në meçin e zhvilluar...
-
Sot shfaqet në Cyrih filmi “The Land within”, i regjisorit Fisnik Maxville
-
Edi Rama e konfirmon: Më 12 maj jam në Athinë, nisim rrugëtimin e pranverës në diasporë
-
Kalabri - Itali
Gennaro Gattuso flet për rrënjët e tij në Kalabri
-
Gjermani
Iu dha lamtumira e fundit dje mërgimtarit nga Gjermania që humbi jetën në vendin e punës
Jeta në Zvicër
-
Rritje 293 për qind e studentëve të huaj në Universitetin e Cyrihut ETH-të në Cyrih dhe Lozanë duhet të kursejnë para. Këshilli Federal vendosi së fundmi uljen e...
-
Nëntë kilometra bllokim trafiku përpara tunelit Gotthard
-
A është e ligjshme djegia e flamurit të Zvicrës?
-
Pesë lajme të mëdha nga Zvicra, për të cilat duhet të dini këtë javë
-
Bazel: Politikanët po bëjnë thirrje për mbajtjen e fëmijëve larg celularëve