Lajme
Cyrihu, regjioni numër një në Evropë për inovacion ekonomik
Nga 5 regjionet që zënë vendet e para në Evropë, dy të parat janë në Zvicër: Cyrihu, që zë vendin e parë dhe Kantoni Tiçino, në vendin e dytë
Regjioni i Cyrihut, si qendër për bërje të biznesit, është regjioni më inovativ në Evropë. Këtë konstatim e ka bërë Komisioni i Bashkimit Evropian, në një raport të tij lidhur me këtë temë.
BE bën një herë në dy vjet një raport në formë indeksi të investimeve, i cili përfshin në vete mbi 200 regjione nga 26 vende të Evropës, shkruan moneycab.com. Si kriter për radhitjen e regjioneve shërbejnë 17 tregues, transmeton albinfo.ch. Në mesin e tyre janë shkalla arsimore e popullatës dhe shpenzimet që regjionet përkatëse bëjnë për hulumtime e zhvillim.
Duke iu referuar rangimit të lartë të regjionit të Cyrihut në këtë raport, kryetarja e Qeverisë së Kantonit, Carmen Walker Späh, ka thënë se Cyrihu nuk guxon të zvogëlojë përpjekjet e tij në këtë drejtim. Duhet angazhim shtesë në rrjetëzim, siç po ndodh, për shembull, me parkun e inovacionit në Dübendorf, ka theksuar ajo.
Veç Cyrihut, edhe regjione të tjera të Zvicrës janë radhitur lart në listën e regjioneve më inovative të Evropës, përcjell albinfo.ch. Kështu, nga 5 regjionet që zënë vendet e para në Evropë, dy të parat janë në Zvicër: Cyrihu, që zë vendin e parë dhe Kantoni Tiçino, në vendin e dytë. Ndërsa në mesin e 10 regjioneve të tilla, 5 janë në Zvicër: Cyrihu, Tiçino, Zvicra Lindore, Zvicra Veriperëndimore dhe Zvicra Qendrore.
E-Diaspora
-
RTS: “Toka Brenda Meje” e Fisnik Maxville-it trajton traumën e Kosovës Filmi i parë artistik i Fisnik Maxville, “The Land Within”, tregon historinë e një kosovari të...
-
Filmi “The Land within”, lufta në Kosovë, e vështruar nga një kënd tjetër
-
Robin Krasniqi fiton me pikë ndaj portugezit Jorge Silva
-
Sot shfaqet në Cyrih filmi “The Land within”, i regjisorit Fisnik Maxville
-
Edi Rama e konfirmon: Më 12 maj jam në Athinë, nisim rrugëtimin e pranverës në diasporë
Jeta në Zvicër
-
RTS: “Toka Brenda Meje” e Fisnik Maxville-it trajton traumën e Kosovës Filmi i parë artistik i Fisnik Maxville, “The Land Within”, tregon historinë e një kosovari të...
-
122 politikanë, viktima të spiunazhit kinez, përfshirë zviceranët
-
Dritat veriore mbi qiellin zviceran
-
19-vjeçarja zvicerane bën një zbulim spektakular, nderohet me çmim special
-
Ja sa janë rritur fitimet e shefave të sigurimeve shëndetësore në Zvicër