Ambasada e Zvicrës në Kosovë, për dorëheqjen e Haradinajt

Ramush Haradinaj ditë më parë ofroi dorëheqje nga posti i kryeministrit të Kosovës, pasi, siç tha ai, është ftuar në Hagë si i dyshuar, përcjell albinfo.ch.

Reagimeve ndaj këtij veprimi i është bashkuar edhe Ambasada e Zvicrës në Kosovë. Përmes një postimi në Facebook, ata kanë përcjellë edhe një thirrje për përfaqësuesit institucionalë të Kosovës.

“Ambasada e Zvicrës i ka kushtuar vëmendje dorëheqjes së Ramush Haradinajt nga posti i kryeministrit të Republikës së Kosovës. U bëjmë thirrje të gjithë përfaqësuesve institucionalë që të veprojnë në përputhje me Kushtetutën dhe ligjet në fuqi. Jemi të bindur se institucionet shtetërore do të vazhdojnë të funksionojnë dhe të trajtojnë nevojat e popullit në mënyrë efektive”, thuhet në reagimin e ambasadës, përcjell në shqip albinfo.ch.

Rikujtojmë se gjatë ditës së sotme, kryeministri në dorëheqje, e ka çuar në Kuvend letrën e dorëheqjes.