Kosova
Pas aksidentit tragjik, “Hardh Fest” pezullon aktivitetet deri të martën
E hëna është shpallur ditë zie në Rahovec, pas aksidentit në fshatin Bërnjak, ku humbën jetën tre persona, përcjell albinfo.ch.
Pas këtij rasti, edhe organizatorët e festivalit “Hardh Fest” kanë njoftuar se do të pezullojnë të gjitha aktivitetet deri të martën.
“Hardh Fest pezullon të gjitha aktivitetet deri të martën për shkak se dita e hënë është shpallur Ditë Zie në Rahovec, pas aksidentit të sotshëm tragjik! Ngushëllimet më të sinqerta për familjarët e viktimave, ndërsa të lënduarve shërim të shpejtë”, kanë shkruar ata
Vendimi për ta shpallur të hënën ditë zie, është marrë nga kryetari i komunës së Rahovecit, Smajl Latifi.
“Në përputhje me kompetencat e mia si Kryetar i Komunës së Rahovecit, duke ju shprehur ngushëllimet më të sinqerta familjarëve të viktimave dhe gjithë qytetarëve, kam vendosur që të hënën, datë 29 korrik 2019, ta shpall Ditë Zie, pas aksidentit tragjik të ndodhur sot në Rahovec! Me këtë rast, të gjithë flamujt që janë të vendosur në institucionet komunale, do të ulen në gjysmështizë”, ka shkruar Latifi.
Ngushëllime për familjarët e viktimave ka shprehur edhe kryeministri në dorëheqje i Kosovës, Ramush Haradinaj. Ai po ashtu u ka uruar shërim të shpejtë të lënduarve dhe ka apeluar te qytetarët që ta shtojnë kujdesin në komunikacion.
“I shqetësuar nga lajmet për aksidentet e shpeshta në komunikacion me pasojë jetët njerëzore. Familjarëve të viktimave në Bërnjak të Rahovecit iu shpreh ngushëllime të thella, kurse të lënduarve shërim të shpejtë. Apeloj të gjithë qytetarët që ta shtojnë kujdesin në trafik, e Policia e Kosovës të rris kontrollin, veçanërisht tani gjatë sezonës verore, kur kemi një komunikacion të ngarkuar”, ka shkruar Haradinaj.
Të ngjashme
Të tjera nga Kosova
E-Diaspora
-
Arnold “The Cobra” Gjergjaj triumfon në luftën e fundit Gjatë së shtunës Arnold “The Cobra” Gjergjaj triumfoi kundër Dennis Lewandowski. Kjo ndeshje e madhe u...
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
Jeta në Zvicër
-
Arnold “The Cobra” Gjergjaj triumfon në luftën e fundit Gjatë së shtunës Arnold “The Cobra” Gjergjaj triumfoi kundër Dennis Lewandowski. Kjo ndeshje e madhe u...
-
Komiteti parlamentar zviceran kërkon 15 milionë CHF për Kampionatin Evropian të Futbollit për Femra 2025
-
Presidenti i SNB-së paralajmëron për goditje të mundshme inflacioni në Zvicër
-
Gjashtë gjëra që duhet të dini për pagat në Zvicër
-
SNB, 58.8 miliardë fitim neto në tremujorin e parë