Lëvizje në Arsenal, Xhaka mund të përfitojë

Granit Xhaka ka qenë në fokus të mediave për shkak të një deklarate që kishte të bënte me statusin e tij si kapiten i Arsenalit.

Mbrojtësi francez Laurent Koscielny do t’i bashkohet skuadrës franceze Bordeaux për pesë milionë euro, bën të ditur BBC, transmeton Insporti.

Arsenali ka arritur marrëveshje për të shitur Koscielnyn te Bordeaux. Qendërmbrojtësi 33-vjeçar do të rikthehet në Francë pas nëntë vjetëve të kaluar te Arsenali, ku ndër të tjera ishte edhe kapiten. Ky është edhe fundi i një konflikti ndërmjet lojtarit dhe shtabit teknik të Arsenalit, që kishte zgjatur më muaj.

Arsenali kishte nisur procedura disiplinore ndaj Koscielnyt dhe e detyroi të stërviste me skuadrën U-23, kurse Koscielny kishte refuzuar të udhëtojë me ekipin dhe të paraqitet në ndeshjet kontrolluese para sezonale.

Arsenali shpreson të transferojë një qendërmbrojtës pa përfunduar afati kalimtar në Angli të enjten, kurse vlera e transferim raportohet të jetë rreth 5 milionë Euro.

Nga shitja e këtij lojtari, përfitues direkt pritet të jetë Granit Xhaka, i cili mund të konsolidohet edhe më shumë në përbërjen e këtij ekipi dhe të marrë më shpesh përgjegjësinë e të qenit kapiten në ndeshje.

---