Shqipëria
Dita më e nxehtë e vitit
Vera më e nxehtë në Shqipëri ka qenë në vitin 2015, duke arritur temperatura deri në 43 gradë Celcius
Vala e të nxehtit afrikan po dominon në territorin shqiptar edhe gjatë këtyre ditëve të muajit gusht.
Fundjava që lamë pas dhe dita e sotme shënuan kulmin e temperaturave më të larta të verës, plot 41.6 gradë celcius. Ndonëse pritet një normalizim i motit gjatë ditëve në vijim.
“3 valë të nxehti kemi pasur gjatë kësaj vere dhe kjo është e fundit. Parashikohet të marrë fund ditën e mërkurë, ku pritet të ketë vranësira dhe shira në territorin shqiptar, sidomos gjatë pjesës së dytë të së mërkurës, duke sjellë edhe rënie të temperaturave me të paktën 4 gradë celcius. Duke bërë që 15 ditëshin e dytë të gushtit vlerat termike të luhaten në 33 gradë afër vlerave normale klimaterike të muajit që ne ndodhemi”, thotë metereologe Adiola Bani, raporton TCH.
Për shkak të temperaturave të larta, rrugët e Tiranës i gjen të boshatisura, përcjell albinfo.ch.
Të shumtë janë njerëzit që kanë zgjedhur të shkojnë drejt plazheve për t’i shpëtuar disi të nxehtit apo të qëndrojnë brenda shtëpive për t’u ruajtur nga rrezet e forta të diellit, sidomos në orar të drekës.
Megjithatë, disa të tjerë duhet të shkojnë në punë edhe në këto ditë të nxehta vere.
Teksa qershori dhe korriku u vlerësuan si muajt më të nxehtë në Evropë gjatë viteve të fundit, nuk vlen e njëjta gjë për Shqipërinë, pasi ka parë ditë vere me temperatura më të larta në të kaluarën.
“Nuk është vera më e nxehtë për territorin shqiptar, pasi 2015 ka shënuar edhe 43 gradë celcius, por për Evropën po, është vera më e nxehtë”, thotë Bani.
Të ngjashme
Të tjera nga Shqipëria
E-Diaspora
-
Osmani: Mërgata, urë lidhëse mes Kosovës e Zvicrës Presidentja e Kosovës, Vjosa Osmani, ka pritur në takim ndihmës sekretaren e shtetit dhe shefen e...
-
Floriani 10 vjeçar bën selfie me Xhakën, i kushtoi babait të tij 2600 franga
-
Detaje nga rasti kur një shtetas nga Kosova vrau pronarin e biznesit në Dyseldorf
-
Arnold “The Cobra” Gjergjaj triumfon në luftën e fundit
-
Nju-Jork: Baleti Kombëtar i Kosovës me dy shfaqje
Jeta në Zvicër
-
Floriani 10 vjeçar bën selfie me Xhakën, i kushtoi babait të tij 2600 franga Floriani i vogël (10) është një tifoz i madh i Granit Xhakës: Nëntorin e kaluar, ai...
-
Pse 1 Maji nuk është festë publike kudo në Zvicër?
-
E hëna në Zvicër: Përmbledhje e lajmeve më të fundit
-
Çfarë do të votohet në Cyrih më 9 qershor?
-
Rriten rastet e abuzimit psikologjik të fëmijëve në Zvicër