Bota
Kabul: Dhjetëra të vrarë nga shpërthimi i bombës në një dasmë
Nga një sulm vetëvrasës me bombë u vranë 63 persona dhe u plagosën 182 të tjerë
Zyrtarët afganë thonë se nga një sulm vetëvrasës me bombë u vranë 63 persona dhe u plagosën 182 të tjerë. Shpërthimi ndodhi gjatë një dasme në Kabul, në orët e vona të 17 gushtit.
Presidenti afgan, Ashraf Ghani, hodhi poshtë një deklaratë të grupit militant të talibanëve, të cilët mohuan përgjegjësinë për këtë sulm, duke thënë se ky grup të paktën ndan fajin për këtë sulm “barbar”.
Ai tha se ka thirrur një mbledhje të jashtëzakonshme për të diskutuar për çështjet e sigurisë dhe për mënyrat se si të shmangen “gabime” të tilla.
Talibanët mohuan përgjegjësinë për sulmin, i cili është njëri ndër më vdekjeprurësit në Kabul gjatë këtij viti dhe vjen në kohën kur Uashingtoni dhe talibanët raportohet se janë afër arritjes së një marrëveshjeje për t’i dhënë fund luftës gati 18-vjeçare.
Zëdhënësi i talibanëve, Zabihullah Muajahid, e dënoi sulmin, raportoi agjencia dpa.
“Talibanët nuk mund të shfajësojnë veten, sepse ata ofrojnë platformë për terroristët”, shkroi në Twitter presidenti Ghani.
“E dënoj fuqishëm sulmin çnjerëzor gjatë dasmës në Kabul. Prioriteti im kryesor tani është që të jem pranë familjarëve të viktimave të këtij sulmi barbar. Në emër të kombit, ju dërgoi ngushëllimet më të sinqerta familjarëve të atyre që u martirizuan”, tha Ghani.
Zëdhënësi i Ministrisë së Brendshme, Nasrat Rahimi, tha se gra dhe fëmijë janë në mesin e të plagosurve pas shpërthimit të bombës.
“Rreth 1,200 persona ishin të ftuar në këtë dasmë”, tha Ahmad Omid, në i mbijetuar i këtij shpërthimi.
Shpërthimi ndodhi në një sallë dasmash në Kabul, që gjendet në një pjesë të banuar me komunitetin shiitë, raporton Radio Evropa e Lirë, përcjell Albinfo.ch.
E-Diaspora
-
Detaje nga rasti kur një shtetas nga Kosova vrau pronarin e biznesit në Dyseldorf Një vrasje me armë zjarri është regjistruar dje në qytetin e Dyseldorfit në Gjermani. Mësohet se...
-
Arnold “The Cobra” Gjergjaj triumfon në luftën e fundit
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
Jeta në Zvicër
-
Numri i të burgosurve zviceranë rritet për 7% në një vit Në fund të janarit të këtij viti, 6,881 burra dhe gra ishin pas hekurave në Zvicër....
-
Deputetët e Gjenevës shprehen kundër dhënies së të drejtave të plota politike për të huajt
-
SBB aktualisht nuk shet bileta për biçikleta për udhëtime jashtë vendit
-
Stuhia e vitit të kaluar në La-Chaux-de-Fonds shkaktoi 120 milionë franga dëme
-
Kaosi i tifozëve të Servette në ndeshjen e futbollit, i dyshuari mund të akuzohet