Arrestohet personi që dyshohet se kontaminoi ujin në Kamenicë

Sipas Policisë, Prokuroria është duke u marrë me hetimet e mëtutjeshme

Është arrestuar një person që dyshohet se kishte kontaminuar ujin e pijshëm në Kamenicë.

Policia thotë që ai është në mbajtje për 48 orë. Ndërkaq, KTV-ja mëson se personi që është i arrestuar, aksidentalisht kishte ndotur ujin me disa mjete që i përdor për punë në fermën e tij.

Sipas Policisë, Prokuroria është duke u marrë me hetimet e mëtutjeshme. Për shkak të kontaminimit, banorët e Kamenicës disa ditë me radhë kishin mbetur pa ujë të pijshëm.

“Policia e Kosovës me të marrë informatën ka thirrur edhe drejtoritë përkatëse komunale që në vendin e ngjarjes kanë marrë mostrat e ujit dhe nga analizat është gjetur se uji s’mund të pihet. Për këtë arsye është marrë vendim të ndalet një nga pompat që furnizon qytetin e Kamenicës me ujë. Policia ka vazhduar hetimet dhe është gjetur një person që dyshohet se prej tij ka ardhur te kontaminimi. Është njoftuar prokuroria dhe ata kanë rastin. Presoni është ndalur për 48 orë”, ka thënë Ismet Hashani, zëdhënës i Policisë në Gjilan Albinfo.ch.

---