Bota
Cisterna iraniane e ka ndalur sistemin e gjurmimit
Cisterna “Adrian Darya”, e cila transporton 2.1 milion fuçi të naftës së papërpunuar, e fiku sistemin e gjurmimit
Një cisternë iraniane e naftës e ka ndalur sistemin e gjurmimit, duke shtuar spekulimet se ajo do të shkojë drejt Sirisë.
Cisterna “Adrian Darya”, e cila transporton 2.1 milionë fuçi të naftës së papërpunuar, e fiku sistemin e gjurmimit, derisa ishte rreth 4.583 kilometra larg bregdetit të Libanit dhe Sirisë, përcjell albinfo.ch.
“”Tani mund të supozosh me siguri se ajo është në ujërat territoriale të Sirisë”, tha agjencia që monitoron lëvizjet e cisternave në det, Tanker Trackers.
Adrian Darya 1, e njohur dikur si Grace 1, ishte konfiskuar në fillim të muajit korrik nga autoritetet e Gjibraltarit, me ndihmën e marinsave britanikë.
Ajo u ndalua nën dyshimin se po bënte bartjen e naftës së papërpunuar në Siri, duke shkelur kështu sanksionet e Bashkimit Evropian.
Por, më 15 gusht, Gjibraltari e liroi cisternën, përkundër një kërkese amerikane për ta ndaluar transportuesin.
Shtetet e Bashkuara kanë lëshuar një urdhër për sekuestrimin e cisternës me arsyetimin se ajo kishte lidhje me trupat e Gardës Revolucionare të Iranit, të cilën Uashingtoni e ka përcaktuar si një organizatë terroriste.
Pas lirimit nga ana e Gjibraltarit, kishte informacione se cisterna ishte nisur drejt Greqisë dhe Turqisë, por të dyja vendet mohuan se ajo do të ndalet në portet e tyre.
E-Diaspora
-
Gjuha shqipe forcon integrimin Në kontekstin e diasporës shqiptare në Zvicër dhe më gjerë, gjuha shqipe ka një rëndësi në...
-
Flisni shqip në Zvicër!
-
RTS: “Toka Brenda Meje” e Fisnik Maxville-it trajton traumën e Kosovës
-
Filmi “The Land within”, lufta në Kosovë, e vështruar nga një kënd tjetër
-
Robin Krasniqi fiton me pikë ndaj portugezit Jorge Silva
Jeta në Zvicër
-
Ndërprehet linja e trenit midis Brig në Valais dhe Italisë Linja e trenit midis Brig në kantonin Valais dhe Domodossola në Itali u ndërpre të hënën...
-
Gjuha shqipe forcon integrimin
-
Studimi i ri zbulon se ku në Zvicër punonjësit fitojnë më shumë dhe më pak
-
Flisni shqip në Zvicër!
-
RTS: “Toka Brenda Meje” e Fisnik Maxville-it trajton traumën e Kosovës