Mërgimtarit i digjet shtëpia në Kosovë

Rastin e ka konfirmuar Policia e Kosovës, derisa në vendin e ngjarjes kanë dalë njësitë policore dhe zjarrfikësit të cilët kanë shuar zjarrin

Në orët e para të mëngjesit të së premtes, në fshatin Shakovicë të Podujevës një shtëpi e një mërgimtari që jeton në Gjermani është kapluar nga zjarri.

Rastin e ka konfirmuar Policia e Kosovës, derisa në vendin e ngjarjes kanë dalë njësitë policore dhe zjarrfikësit të cilët kanë shuar zjarrin.

“Fsh. Shakovicë, Podujevë 06.09.2019 – 05:45. Ankuesi mashkull K/Shqiptar ka raportuar se shtëpinë e viktimës mashkull K/Shqiptar i cili jeton në Gjermani e kishte kapluar zjarri. Në vendin e ngjarjes kanë dalë njësitë policore dhe zjarrfikësit të cilët e kanë shuar zjarrin. Si pasojë e zjarrit në atë shtëpi janë shkaktuar dëme vlera e të cilave ende nuk dihet. Është njoftuar prokurori i cili e ka cilësuar rastin”, thotë Policia. Rastin Policia e ka cilësuar si “zjarrvënie” percjell Albinfo.ch.

---