Lajme
Rënie e migracionit në Zvicër, ngritje në vendet e OECD-së
Në përgjithësi, gjatë vitit 2017 në Zvicër janë vendosur për të qëndruar një kohë të gjatë ose përgjithmonë rreth 118.000 migrantë
Migracioni në Zvicër, në vitin 2017 kishte pësuar një rënie prej 5.3% në krahasim me vitin 2016. Këtë konstatim e ka nxjerrë raporti më i ri për migracionin, i titulluar “Migration Outlook” i OECD-së, Organizatës Evropiane për Bashkëpunimm ekonomik dhe Zhvillim.
Në përgjithësi, gjatë vitit 2017 në Zvicër janë vendosur për të qëndruar një kohë të gjatë ose përgjithmonë rreth 118.000 migrantë. Numri më i madh i tyre kanë ardhur nga Gjermania, thuhet në raport, transmeton albinfo.ch. Pas gjermanëve, në radhë vijnë italianët dhe francezët. Bëhet fjalë para së gjithash për punëtorë sezonalë ndërsa një pjesë m ë e vogël e tyre, si studentë
Por ndryshe është gjendja në vendet e OECD-së, marrë në përgjitheësi, sa i përket migracionit. Atje gjatë vitit 2018 kanë migruar 5.3 milionë të huaj që është një ngritje e vogël në krahasim me vitin 2017 ndërkohë që numri i azilkërkuesve ka shënuar rënie të madhe, përcjell albinfo.ch. Po u krahasua gjendja me vitet 2015 dhe 2016, në vitin 2018 ka pasur një rënie të numrit të tyre prej 34%.
Si pasojë e numrit të zvogëluar të azilkërkuesve, gjatë vitit të kaluar në vendet e OECD-së ka pasur po ashtu rënie edhe të numrit të refugjatëve me status të njohur. Në përgjithësi, numri i atyre që gjatë vitit 2018 kanë fituar leje qëndrimi në vendet në fjalë, ka qenë për 28% më i vogël se një vit më parë.
Nga ana tjetër, në pesë vitet e fundit janë rritur shanset për të gjetur një punë si migrant. Kjo vlen për të gjitha vendet e OECD-së. Në rastin e Gjermanisë, për shembull, është treguar i suksesshëm aksioni për punësimin e fuqisë punëtore nga Ballkani, siç vëren edhe raporti më i ri i OECD-së.
Mesatarisht më shumë se 68% të migrantëve kanë gjetur vende pune në këto shtete, ku mesatarja e papunüesisë është 9%.
Të ngjashme
Të tjera nga Lajme
E-Diaspora
-
Sot shfaqet në Cyrih filmi “The Land within”, i regjisorit Fisnik Maxville Filmi shfaqet në kuadrin e festivalit të filmit "Kino Kosova" që po mbahet në kinemanë RiffRaff...
-
Edi Rama e konfirmon: Më 12 maj jam në Athinë, nisim rrugëtimin e pranverës në diasporë
-
Kalabri - Itali
Gennaro Gattuso flet për rrënjët e tij në Kalabri
-
Gjermani
Iu dha lamtumira e fundit dje mërgimtarit nga Gjermania që humbi jetën në vendin e punës
-
Paris
Paris: Sukses i madh i filmit “Tashko & Koço”
Jeta në Zvicër
-
Cyrih
Aeroporti i Cyrihut, më i pastërti në Evropë Dhjetë aeroportet më të pastra në botë...
-
Operacioni Pandora: Qendrat e thirrjeve mashtruan edhe në Zvicër
-
Testet e para në Appenzell për të prezantuar patentë shoferin digjital
-
Nuk ka pagesa me kartë për shuma të vogla, a është kjo e ligjshme?
-
Sulmuesi i talentuar shqiptar vazhdon kontratën me FC Zurich