Kontroll në autostradë: 4 shqiptarë kapen për delikte të ndryshme

Ndaj njërit prej tyre ishte shpallur një fletarrest për Zvicër. Kosovari 33 vjeçar duhet të mbajë 60 ditë burg

Policia e Kantonit Zug ka zhvilluar një aksion të kontrollimit të pjesëmarrësve në komunikacion në hyrjen në autostradë te lokaliteti Cham, shkruan luzernerzeitung.ch. Gjithsej 28 automjete dhe 47 persona i janë nënshtruar kontrollimit nga policia e komunikacionit dhe ajo e kriminalitetetit.

Qëllimi i këtij aksioni të kontrollimit ka qenë zbulimi i delikteve dje atrrestimi i delinkuentëve.

Njëra nga policet pjesëmarrëse ka vënë re se si, me të parë policinë, dy veta i kanë ndërruar me të shpejtë vendet në makinë, transmeton albinfo.ch. Shoqëruesi nga ulësja e parë është ulur në vendin e shoferit dhe kjo ka ndodhur gjatë ngarjes së makinës.

Makina pastaj është ndaluar nga policët dhe janë kontrolluar të katër personat që gjendeshin në të. Me atë rast është zbuluar se personi që kishte vozitur fillimisht, këtë e kishte bërë edhe psemë parë i ishte marrë patentshoferi.

Po ashtu kontrollimi i mëtejmë tregoi se njëri ndër personat në këtë makinë po qëndronte ilegalisht në Zonën e Shengenit prandaj edhe në Zvicër, përcjell albinfo.ch. Ndaj këtij të fundit madje ishte shpallur një fletarrest për Zvicër. Kosovari 33 vjeçar duhet të mbajë 60 ditë burg.

Për tre personat tjerë që ndodheshin në makinë, me shtetësi të Shqipërisë dhe Maqedonisë dyshohet se kanë punuar në të zezë në Zvicër. Edhe ata u ndaluan përkohësisht për sqarimin e identitetit.

---