Kosova
Deputetja nga Shqipëria: Albin Kurti, shqipja dhe shqiptaria
Deputetja nga Shkodra, e njohur edhe si studiuese, Ledi Shamku, është e mahnitur nga një intervistë, në të cilën ishte i ftuar lideri i Vetëvendosjes Albin Kurti në një emsion në Shqipëri.
Më poshtë mund ta gjeni postimin e saj të plotë:
“Sonte isha mbështjellë me heshtjen time të brendshme, të cilën e kam aktivizu për me dëgju saktë çdo fjalë nga jashtë. Pra po ngrija tryezën e darkës, ndërkohë që mbaja vesh lajmet po ashtu të darkës.
Gazetarja intervistoi Albin Kurtin e Albini nisi me folë.
Ngrita kokën. Veshi im i mësuar të kapë detaje gjuhësore të veçanta, të pazakonta apo të rralla, sapo kishte rënë në diçka të rrallë: Albini çdo pyetjeje i përgjigjej duke përdorur NA – trajtë e shkurtër e përemrit vetor NE.
Veshi m’u rrëmbush nga NA-ja e Albinit si:
- Na ka goditë tërmeti
- Na ka ba shumë dame
- Na kanë vdekë njerz e madje na kanë mbetë edhe fëmijë.
- Kena shumë nevoja, por shtetet e tjera na kanë ardhë shpejt në ndihmë.
Të gjitha këto NA Albinit i dilnin krejt natyrshëm, siç i dalin dikujt që po flet për veten brenda një bashkësie të cilën nuk e ndan nga vetja. A më saktë veten nuk e ndan nga bashkësia. Për Albinin s’kishte “unë Kosova” dhe “ajo Shqipëria”, por mesa duket kishte Ne Shqiptaria. Nuk i erdh me thënë “Shqiperia u godit nga tërmeti”, por “Na ka godit tërmeti”. Ne na ka goditë, ne! Se jemi NE. Jemi vetë e parë numri shumës, pra jemi veta e vetes, veta e kombit.
Dhe është i pari dhe i vetmi politikan shqiptar të cilit i buron vetiu veta e vetes: NE
Albin, e troshite sonte heshtjen time të brendshme! E troshite për mirë! E mira t’ndjektë, madje e mira t’priftë! E mira jonë”, përfundoi deputetja Shamku. /Albinfo.ch.
Të ngjashme
Të tjera nga Kosova
E-Diaspora
-
Kandidatja për eurodeputete, Kati Schneeberger, hap në Vjenë ekspozitën “Rezistenca paqësore në Kosovë 1990-1998 Kryetarja e shoqatës “Kosovo goes Europe”, Kati Schneeberger do të hapë nesër (2 maj) ekspozitën ...
-
Milano: Rita Petro, ndër të ftuarat e “FjalaFest”
-
Bruksel: Përfaqësuesit e diasporës shqiptare, gati për projektin e shkollës verore “JAM SHQIPTAR”
-
Belgjikë: Arrestohen disa shqiptarë për këto motive
-
Gjermani
Humb jetën tragjikisht mërgimtari në Gjermani
Jeta në Zvicër
-
Zvicër: Votimi i shtrenjtë për ligjin për furnizimin me energji elektrike Deri më tani, mbi pesë milionë franga janë caktuar për votimin intensiv të ligjit për furnizimin...
-
Policia e Thurgau-ut, me apel interesant
-
Zvicër: Tregtia me pakicë rritet vetëm falë produkteve ushqimore
-
Zvicër: Nisma e re për legalizimin e rritjes së kanabisit
-
Gjithnjë e më shumë kompani po testojnë javë katërditore