Kosova
Ekspozitë: Suedezja pasqyron jetën shqiptare të viteve ‘70-ta
Suedezja fotografonte gratë gjithnjë duke punuar, në shtëpi apo në bjeshkë, duke pjekur bukë, zier, thurur, endur në vek, duke u kujdesur për fëmijët dhe për të lashtat dhe bagëtinë
Është bërë e ditur se Ann Christine Eek do të hapë një ekspozitë në Prishtinë, duke pasqyruar se se si dukej jeta e përditshme në një fshat të Kosovës, përcjell albinfo.ch.
Në Galerinë e Ministrisë së Kulturës do të bëhet ceremonia e hapjes së ekspozitës së fotografes, shkrimtares dhe pedagoges nga Suedia, Ann Christine Eek, e titulluar “Albanian Village Life – Isniq, Kosovo 1976, sot në orën 19:00.
Vlen të theksohet se Ann Christine Eek e ka vizituar Kosovën për herë të parë në vitin 1976, duke qëndruar këtu për gati shtatë javë në fshatin Isniq, bashkë me antropologen Berit Backer.
Andaj, gjatë këtij qëndrimi në Kosovë ajo dokumentoi përmes mijëra fotografive mënyrën e jetesës së shqiptarëve në Kosovë, me fokus rajonin e Dukagjinit. Për shkak të qasjes më të kufizuar në botën më të mbyllur të gjinisë mashkullore të asaj kohe, Eek projektin e saj e kishte koncentruar në tregimet e pesë grave të fshatit.
Edhe pse Eek nuk fliste shqip, gratë shpejt e pranuan atë, duke mos u vënë në siklet nga prezenca e saj.
Po ashtu, kjo marrëdhënie i mundësoi Eek të lëvizte e pavërejtur, të fotografonte gratë gjithnjë duke punuar, në shtëpi apo në bjeshkë, duke pjekur bukë, zier, thurur, endur në vek, duke u kujdesur për fëmijët dhe duke u kujdesur për të lashtat dhe bagëtinë.
Sot, si dokumentim i një rëndësie historike, nëpërmjet 50 fotografive bardh e zi, Ann Christine Eek na tregon se si dukej jeta e përditshme në një fshat të Kosovës në vitin 1976, përmes narrativit të grave, të cilat e ftuan në shtëpitë e tyre.
Thuhet se fotografitë e shfaqura janë shtypje digjitale të vitit 2019, të realizuara në Hahnemühle Photo Rag Baryta në letër të tipit MOAB Juniper Baryta Rag, dhe shtypje analoge të vitit 1991 në AGFA Record Rapid.
Në 2020-ën ajo do të publikojë këtë histori në formë të librit me po të njëjtin titull, “Albanian Village Life – Isniq, Kosovo 1976” në bashkëpunim më ish-Ambasadorin e Kosovës në Washington, Avni Spahiu. /Albinfo.ch.
E-Diaspora
-
Gjuha shqipe forcon integrimin Në kontekstin e diasporës shqiptare në Zvicër dhe më gjerë, gjuha shqipe ka një rëndësi në...
-
Flisni shqip në Zvicër!
-
RTS: “Toka Brenda Meje” e Fisnik Maxville-it trajton traumën e Kosovës
-
Filmi “The Land within”, lufta në Kosovë, e vështruar nga një kënd tjetër
-
Robin Krasniqi fiton me pikë ndaj portugezit Jorge Silva
Jeta në Zvicër
-
Neuchâtel: Një algjerian 29-vjeçar u gjet pa shenja jete, në qeli La Chaux-de-Fonds, Neuchâtel: Trupi i tij i pajetë u gjet nga rojat e burgut rreth orës...
-
Kantonet zvicerane me plane për të punësuar më shumë mësues të huaj
-
Bernë: Merret vendimi për gruan e cila vrau kryetarin e bashkisë së Lauterbrunnen pasi e goditi 58 herë me thikë
-
Pse Zvicra subvencionon tarifat vetëm për disa studentë të huaj?
-
Prodhuesi zviceran i thikave të ushtrisë në përpjekje për të përmbushur kufizimet globale të tehut