Lajme
Dënohet qiradhënësi, ofronte apartamente vetëm “për gjermanët”
A lejohet ta japësh me qira apartamentin tënd duke shkruar në shpallje "vetëm gjermanëve"? Gjykata e shkallës së parë në Augsburg tani mori një vendim për këtë. Padinë e pati ngritur një burrë nga Burkina Faso.
Një qiramarrës i interesuar, me origjinë nga Burkino Faso (Afrikë), kishte shprehur interes për një apartament në Augsburg dhe, sipas fjalëve të tij, ishte përcjellë që në telefon: “A jeni i huaj?”
Qiradhënësi, sipas tij, e kishte pyetur nëse ishte “i huaj” dhe menjëherë pas kësaj kishte mbyllur telefonin. Telefonata të tjera nga të njohurit e paditësit, të cilët e kishin identifikuar veten si të huaj, gjithashtu qenë bllokuar edhe nga pronari. Kjo është arsyeja pse burri u ndje i diskriminuar dhe u ankua.
Gjykata dënon pronarët
Gjykata e shkallës së parë në Augsburg tani i dha plotësisht të drejtë padisë së palës të interesuar nga Burkina Faso. “Ky diskriminim i hapur ndaj të huajve thjesht është i papranueshëm”, tha gjykatësi Andreas Roth. Për shkak të diskriminimit, pronari i banesës duhet t’i paguajë një dëmshpërblim prej 1000 euro palës së interesuar. Gjykata e shkallës së parë në Augsburg vendosi gjithashtu që qiradhënësi të mos ketë të drejtë të nxjerrë sërish një shpallje se ua jep apartamentin e tij me qira vetëm “gjermanëve”. Përndryshe, pronarin e kërcënon një gjobë e lartë.
Çfarë thotë pronari
Të pandehurit, qiradhënësi dhe djali i tij, e hodhën poshtë pretendimin paraprakisht. Për shkak të një incidenti me një tregtar turk të drogës në të kaluarën e afërt, ata kishin vendosur që këtë apartament t’ua jepnin me qira vetëm gjermanëve. Ata kërkuan refuzimin e padisë.
Raste të ngjashme në të kaluarën
Raste të ngjashme në të kaluarën janë zgjidhur në favor të paditësve. Qiramarrësi i interesuar i Augsburgut pati ardhur 17 vjet më parë si refugjat në Gjermani. Në të kaluarën ai ka tërhequr disa herë vëmendjen për diskriminimin e përditshëm, duke përfshirë edhe portierët, të cilët refuzojnë t’i lënë të hyjnë njerëzit me ngjyrë tjetër të lëkurës, shkruan DW, përcjell albinfo.ch.
Të ngjashme
Të tjera nga Lajme
E-Diaspora
-
Itali
Arrestohet shqiptari në Itali, kishte mbi 1 kg kokainë në makinë Raportohet se një 38-vjeçar me origjinë shqiptare është arrestuar nga agjentë të policisë së Reggio Emilia...
-
Panairi Gjergj Kastrioti Skënderbeu, bashkon më shumë se 100 shoqata në Nju-Jork
-
Një shqiptaro-zvicerane ambicioze, në Kancelarinë Federale të Zvicrës
-
Thun
Jehon kënga e vallja shqipe në sheshin e qytetit Thun
-
Shqipëri: A do të mundësohet vota e emigrantëve në zgjedhjet 2025?
Jeta në Zvicër
-
Partitë politike në Zvicër me propozime që të frenohet rrjta e kostove shëndetësore Ndërsa votuesit në Zvicër janë të vendosur të peshojnë dy iniciativa që kërkojnë të ulin primet...
-
Rritje e sulmeve me lazer dhe GPS ndaj aeroplanëve zviceranë
-
Liria e shtypit zviceran përkeqësohet pavarësisht rritjes në renditje
-
Kjo linjë ajrore në Zvicër nis destinacione të reja për distanca të gjata
-
Një shqiptaro-zvicerane ambicioze, në Kancelarinë Federale të Zvicrës