Bota
Si një nga viktimat parandjeu tragjedinë në Iran
82 prej personave në bord ishin iranianë, 63 kanadezë, 11 ukrainas, 10 suedezë, katër afganë, tre gjermanë e tre britanikë
Një nga viktimat e avionit ukrainas të rrëzuar në Iran e kishte parandjerë që diçka e keqe do të ndodhte.
Sheyda Shadkhoo e mori në telefon të shoqin 20 minuta përpara se të avioni të ngrihej në ajër dhe, e përfshirë nga ankthi, i kishte kërkuar që ai ta ndihmonte nga larg psikologjikisht, duke e siguruar se gjithçka do të shkonte mirë.
“Unë i thashë, mos u bë merak, nuk ka për të ndodhur asgjë”, rrëfeu Hassan Shadkhoo për CNN. “Ajo ishte shumë e shqetësuar nga tensionet mes Shteteve të Bashkuara dhe Iranit pas vrasjes së gjeneralit të lartë iranian javën e kaluar”, shtoi ai.
Sheyda kishte marrë tri javë pushime nga puna e saj në Toronto dhe kishtë udhëtuar drejt Iranit për të takuar të ëmën dhe motrat. Sipas Hassanit, e shoqja kishte pasur një parandjenjë shumë të keqe.
Frikën e saj, ajo e kishte shprehur edhe përmes selfie-t të fundit të postuar në Instagram. “Po largohem, por më frikëson shumë ajo që është prapa meje. Trembem për njerëzit prapa meje”, ka shkruar gruaja. I shoqi tha se është i shkatërruar nga humbja e Sheydas ,me të cilën kishte ndarë 10 vjet të jetës, e që e përshkruan si një “engjëll”, përcjell albinfo.ch.
Viktimat
Familje të tëra humbën jetën në aksidentin e tmerrshëm ajror në Iran.
Çifti suedez Raheleh dhe Mikael Lindberg, 37 dhe 40 vjeç vdiqën së bashku me dy djemtë, Erik, dhe Emil, nëntë dhe shtatë vjeç. Fotot e tyre në rrjetet sociale tregojnë një familje të bukur e të lumtur; vetëm një vit më parë kishin qenë duke festuar në Barcelonë ditëlindjen e djalit të vogël. Tragjedia ajrore e të mërkurës ka shuar tërësisht edhe një familje nga Edmontoni i Kanadasë: në Boingun e rrëzuar 737 ndodhej dhe 47-vjeçari Pedram Mousavi dhe të shoqen, Mojan Deneshmand, që të dy të punësuar në Universitin e Albertës, e bashkë me ta, udhëtonin dhe dy vajzat e tyre, Daria e Darina.
15 fëmijë, mes të cilëve një dy vjeçar, figurojnë në listën e atyre që humbën jetën nga fatkeqësia ajrore, shkaqet e së cilës ende nuk janë zbardhur plotësisht. 82 prej personave në bord ishin iranianë, 63 kanadezë, 11 ukrainas, 10 suedezë, katër afganë, tre gjermanë e tre britanikë. E dhimbshme edhe historia e një çifti të rinjsh gjithashtu nga Edmontoni, Arash Pourzarabi, 26 vjeç dhe Pouneh Gourji, 25, të cilët kishin udhëtuar drejt Iranit, me qëllimin që të lidhnin kurorë atje. Shumë prej viktimave iraniano-kanadeze, po ktheheshin nga pushimet dimërore që kishin kaluar në vendin e origjinës.
Të ngjashme
Të tjera nga Bota
E-Diaspora
-
Vjenë
Suedi: Ekipi “kikiriki” nga Vjena fitoi vendin e parë në konkursin “Kuizi i Diturisë” Siç e dini, “Kikiriki-shqip me fëmijë” është emision gjithëpërfshirës në gjuhën amtarë, ku fëmijët shqiptarë nga...
-
5 monumente të reja në Europë në nder të Heroit Kombëtar
-
Gjuha shqipe forcon integrimin
-
Flisni shqip në Zvicër!
-
RTS: “Toka Brenda Meje” e Fisnik Maxville-it trajton traumën e Kosovës
Jeta në Zvicër
-
Numri i punëtorëve ndërkufitarë në Zvicër është rritur Në fund të marsit, në Zvicër ishin rreth 400,000 mbajtës të lejeve G të punësuar –...
-
Neuchâtel: Një algjerian 29-vjeçar u gjet pa shenja jete, në qeli
-
Kantonet zvicerane me plane për të punësuar më shumë mësues të huaj
-
Bernë: Merret vendimi për gruan e cila vrau kryetarin e bashkisë së Lauterbrunnen pasi e goditi 58 herë me thikë
-
Pse Zvicra subvencionon tarifat vetëm për disa studentë të huaj?