Kosova
Policia jep detaje rreth arrestimit të zyrtarëve policorë
Policia e Kosovës ka dhënë detaje për arrestimin e tre personave të dyshuar për marrje ryshfeti, ku njëri ndër policët ishte kryeinspektor, ndërsa tjetri ishte zyrtar policor.
Drejtoria për Hetimin e Krimeve Ekonomike dhe Korrupsionit kishte filluar hetimet në tetor të vitit 2019, ndërsa operacioni u krye sot me sukses në Prishtinë dhe Kaçanik, ku u arrestuan dy zyrtarë policorë dhe një qytetar.
“Më 6 shkurt 2020 Policia e Kosovës, konkretisht Drejtoria për Hetimin e Krimeve Ekonomike dhe Korrupsionit, pas hetimeve të filluara që nga muaji tetor i vitit 2019, me urdhëresë të Prokurorisë Themelore në Ferizaj, Departamenti për Krime të Rënda, ka realizuar një operacion policor në Prishtinë dhe në Kaçanik, i cili ka rezultuar me arrestimin e tre (3) personave të dyshuar”, thuhet në njoftimin e Policisë.
Sipas policisë, personat e dyshuar janë arrestuar mbi dyshimin e bazuar për përfshirje në veprat penale ‘keqpërdorim i pozitës apo autoritetit zyrtar’, ‘marrje e ryshfetit’ dhe ‘ushtrim i ndikimit’, duke përvetësuar para të gatshme në vlera të ndryshme.
“Lidhur me rastin janë arrestuar: A. M. m/sh/k kryeinspektor në ARC – MPB, S. Xh. m/sh/k zyrtar policor në DHKEK, L. B. m/sh/k qytetar nga Kaçaniku. Policia e Kosovës lidhur me këtë operacion policor, bazuar në autorizimin e prokurorisë kompetente, më 5 shkurt 2020 ka njoftuar dhe ka ftuar Inspektoratin Policor të Kosovës, pasi në këtë rast kanë qenë të përfshirë edhe zyrtarë policorë.
Vlen të potencohet se njëri nga zyrtarët policorë (L. M.) i arrestuar mbrëmë nga Inspektorati Policor i Kosovës (IPK), ka qenë i dyshuar edhe në rastin të cilin Policia e Kosovës e ka realizuar sot, përderisa zyrtari tjetër (L. O.) po ashtu i arrestuar mbrëmë nga IPK ka qenë i dyshuar për shkelje administrative si dhe nën masën e planifikuar për suspendim”, thuhet tutje në njoftim.
“Gjatë këtij operacioni policor të realizuar sot janë kryer kontrolle dhe bastisje në lokacionet e punës së personave të dyshuar, si dhe në lokacionet e banimit të tyre ku janë konfiskuar prova materiale si dëshmi për rastin”, thuhet në njoftim.
Me aktvendim mbi ndalim nga ana e Prokurorisë Themelore të gjithë personat e arrestuar janë dërguar në qendrën e mbajtjes për 48 orë.
Të ngjashme
Të tjera nga Kosova
E-Diaspora
-
Sot fillon në Cyrih Festivali i Filmit “Kino Kosova” Platforma albinfo.ch është partnere mediale e festivalit dhe ajo do të ju mbajë të informuar mbi...
-
Vjenë
Vjenë: Kori Siparantum, edhe me një paraqitje në skenën prestigjioze
-
Gjenevë
Gjenevë: Ramë Dardania sjell ekspozitë më 14 qershor
-
Mentor Latifi është emëruar ambasador i ri i Kosovës në Zvicër
-
Gjeneva
Festivali Ndërkombëtar i Filmit në Gjenevë për 4 vjet me radhë sjell fima shqiptarë
Jeta në Zvicër
-
OECD: Aktiviteti i ngadaltë ekonomik ngadalëson rritjen në Zvicër Aktiviteti i ngadaltë ekonomik po rëndon rritjen, me Produktin e Brendshëm Bruto (PBB) të Zvicrës që...
-
Rritje e investimeve të huaja në Zvicër gjatë vitit 2023
-
Qeveria zvicerane synon ekuilibër më të mirë gjinor në administratën federale
-
Qeveria zvicerane do të përdorë të dhënat e telefonit për të identifikuar azilkërkuesit
-
Fillon Programi kundër ngacmimit në Gjenevë