Pse burrat po infektohen më shumë se gratë me koronavirus

Shkencëtarët kanë dhënë disa fakte se, pse burrat janë më shumë të ekspozuar sesa gratë me koronavirus

Sipas statistikave, burrat po preken më shumë se gratë, shkruan The Guardian.

Kjo është vërejtur në Kinë, ku në bazë të një analize, është vërejtur se 2.8% e pacientëve me koronavirus ishin meshkuj, ndërsa vetëm 1.7% prej të infektuarve ishin gra.

Kjo ka ndodhur edhe në Francë, Gjermani, Iran, Itali dhe Spanjë, përcjell albinfo.ch.

Në Itali, është vërejtur se 71% e personave të vdekur si  pasojë e koronavirusit ishin burra, ndësa në Spanjë burrat kishin humbur jetën si pasojë e këtij virusi dyfish më shumë se femrat, sipas statistikave deri më tani.

“Përgjigja më e sinqertë është se ende nuk ka një shpjegim të konfirmuar  dhe shkencor se pse është duke ndodhur ky fenomen”, tha Sarah Hawkes, drejtoreshë e Qendrën së Shëndetit Global.

Ky fenomen është shpjeguar nga kinezët, se është i lidhur me duhanpirjen. 50% e burrave në Kinë ishin duhanpirës, ndërsa vetëm 2% e grave e pijnë duhanin. Burrat kishin mushkëri më të dëmtuara, si dhe sistem imunitar më të dobët në krahasim me gratë, prandaj ishin më të ekspozuar ndaj virusit.

Një faktor tjetër, është edhe mënyra e të sjellurit. Kështu, në bazë të analizave është vërtetuar se meshkujt kanë më pak tendencë të kujdesen për higjienën personale, t’i pastrojnë duart, të konsultohen me mjekë apo edhe të përdorin sapun.

Gjithsesi, ekzsiton një bindje nga shkencëtarët, që krahas mjedisit dhe faktorëve të jashtëm, një rol të rëndësishëm e luajnë edhe  faktorët biologjikë.

Në studimt e bëra më herët, me viruse të tjera është vërejtur se meshkujt, kishin një përgjigje më të dobët imunitare ndaj patogjenëve të huaj në krahasim me gratë. Sipas ekspertëve edhe hormonet mund ta luajnë një rol në këtë fenomen.

Kështu, hormonet femërore- estrogjenët kanë një tendencë ta rrisin përgjigjen antivirale të qelizave të sistemit imunitar.

Gjithashtu, shumë gjene që e rregullojnë sistemin imunitar janë të koduara nga kromozomi X, ku dihet se femrat i kanë dy nga këto kromozome, kurse meshkujt vetëm një.

Si përfundim, ekistojnë faktorë të ambientit të jashtëm si dhe faktorë gjenetikë, të cilët ndikojnë, që kronavirusi të infektojë një numër më të madh të burrave në krahasim me gratë.

---