Lajme
Në cilin vend në botë po injorohet koronavirusi?
Janë shumë të pakta vendet e që deklarojnë se nuk kanë asnjë rast koronavirusi. Disa ishuj të largët, disa vende afrikane ku përhapja e testimeve, por edhe shkëmbimet me jashtë janë shumë të pakët.
Por, ka edhe vende, ose më mirë regjime, ku të dhënat nuk mund të merren shumë për bazë. Aty ku ka dyshime për të dhënat kineze, në vende si Koreja e Veriut shndërrohen në bindje që ato fshihen. Por, nuk ngel pas edhe një vend pak i përmendur i Azisë, Turkmenistani.
Një nga vendet më të pasura me gaz natyror në botë, Turkmenistani, është edhe një nga më të mbyllurit dhe totalitarët, sipas raporteve ndërkombëtare si World Press Freedom, që e vejnë në vendin e fundit.
Mbyllja dhe mungesa e informacionit për rreth 6 milionë banorët e saj, të shpërndarë në një vend të madh sa Spanja, vlejnë edhe për pandeminë globale të koronavirusit, që zyrtarisht nuk ka hyrë në atë vend. Diçka e vështirë për t’ u besuar në një vend kufitar me Iranin që është një nga vatrat e pandemisë.
Jo vetëm. Sipas organizatës Reporters without Borders, vetë fjala koronavirus është e përjashtuar nga çdo media shtetërore dhe nuk këshillohet nga agjentët civilë që ndodhen kudo në kryeqytetin Ashgabat.
Asnjë kronikë mbi përhapjen ndërkombëtare të pandemisë transmetohet në televizion, asnjë informacion nga Ministria e Shëndetësisë.
Vetëm në një rast, presidenti i tij Gurbanguly Berdymukhamedov, një ish-dentist që kontrollon vendin nga viti 2007, ka sugjeruar që tymosen qytetet me një ekstrakt nga një bimë mjekësore lokale e quajtur harmala, për të zmbrapsur “një armik të padukshëm”.
Normalisht, çdo aktivitet masiv është i hapur, edhe pse shkollat kanë zgjatur pushimet e tyre, normalisht pa dhënë asnjë shpjegim për shkakun që po tremb gjithë pjesën tjetër të planetit.
Turkmenistani është nga vendet më të pasura me gaz, por edhe nga më totalitarët.
Të ngjashme
Të tjera nga Lajme
E-Diaspora
-
Nju-Jork: Baleti Kombëtar i Kosovës me dy shfaqje Bëhet e ditur se Baleti Kombëtar i Kosovës, do të realizojë edhe një paraqitje tjetër të...
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
-
BQK: Mbi 112 milionë euro i sollën mërgimtarët në Kosovë vetëm gjatë marsit
Jeta në Zvicër
-
Komiteti parlamentar zviceran kërkon 15 milionë CHF për Kampionatin Evropian të Futbollit për Femra 2025 Një komitet i Dhomës së Përfaqësuesve të Zvicrës ka votuar në favor të një propozimi për...
-
Presidenti i SNB-së paralajmëron për goditje të mundshme inflacioni në Zvicër
-
Gjashtë gjëra që duhet të dini për pagat në Zvicër
-
SNB, 58.8 miliardë fitim neto në tremujorin e parë
-
Konsumatorët zviceranë kanë më shumë para, por më pak fuqi blerëse