Koronavirusi: çast pas çasti
Në Shqipëri 14 raste të reja me COVID-19, shkon në 726 numri i të prekurve
Në Shqipëri janë regjistruar edhe 14 raste të reja me pandeminë e koronavirusit, duke çuar kështu në 726 numrin total të infektuarve.
Instituti i Shëndetit Publik ka bërë të ditur se gjatë gjurmimit të 24 orëve të fundit ku testuar 264 persona, janë zbuluar 14 raste të reja me COVID-19. “Në Krujë janë zbuluar 9 raste të reja, 4 raste pozitive janë në Tiranë, mes të cilëve një në institucionin e vuajtjes së dënimit, dhe 1 rast i ri është në Shkodër”, bëri të ditur Marjeta Dervishi nga ISHP.
Deri tani, në total janë testuar 7 279 raste të dyshuara dhe prej tyre janë të konfirmuar pozitivë me COVID-19, 726 raste. Gjatë 24 orëve të fundit, 7 pacientë të tjerë, të gjithë nga Shkodra, i janë shtuar listës së të shëruarve, duke e çuar totalin e të shëruarve nga COVID-19 në 410.
Aktualisht në vendin tonë, 288 janë persona aktivë me COVID-19. Sa i takon numrit të viktimave deri tani kemi 28 persona që kanë ndërruar jetë për shkak të coronavirus. Ndërsa në shërbimin infektiv aktualisht janë 30 të shtruar nga të cilët 4 pacientë janë në terapi intensive. Në spitalin COVID 2 “Shefqet Ndroqi”, janë 6 pacientë të shtruar. 2 pacientë janë në terapi intensive në gjendje të rënduar, ndërsa 4 pacientë janë në pavion. Në dy spitalet COVID aktualisht po marrin shërbim 36 pacientë.
Ministria e Shëndetësisë i bën thirrje të gjithë qytetarëve që të vazhdojnë të respektojnë masat e vendosura si e vetmja armë që kemi në dorë për të frenuar përhapjen e infeksionit. Në kushtet e lehtësimit të disa masave është shumë e rëndësishme të zbatohen me përpikmëri të gjitha udhëzimet e autoriteteve shëndetësore, të respektohet distancimi fizik dhe ruajtja e higjienës personale, përcjell Albinfo.ch.
Të ngjashme
Të tjera nga Koronavirusi: çast pas çasti
E-Diaspora
-
Kaq mërgimtarë u regjistruan deri më 9 maj Ushtruesi i detyrës së drejtorit ekzekutiv të Agjencisë së Statistikave të Kosovës, Avni Kastrati, u shpreh...
-
Ambasada e Kosovës në Austri u bën thirrje mërgimtarëve që të regjistrohen
-
Heidi Heiz: Ndërtuese e urave në arsim – Nga asistentja, në menaxhimin e shkollës
-
“FjalaFest”, festivali i letërsisë shqipe në Milano
-
Osmani: Shqiptarët e Amerikës, ura më e fuqishme e aleancës Kosovë-SHBA
Jeta në Zvicër
-
Kujdes nga mashtrimi i ri SwissPass në Zvicër SwissPass Alliance, një grup ombrellë për kompanitë e transportit publik, ka rënë viktimë e disa mashtruesve,...
-
Ky rajon në Zvicër pritet të marrë emër të ri
-
Heidi Heiz: Ndërtuese e urave në arsim – Nga asistentja, në menaxhimin e shkollës
-
Nemo performoi për Zvicrën në Eurovision
-
A mund të bëhen gratë pjesë e Gardës Zvicerane?