Koronavirusi: çast pas çasti
Volkswageni rinisi sot punën
Në një deklaratë, Volkswagen tha se 8,000 punonjës në qytetin e Wolfsburgut filluan ndërtimin e makinave, nën kufizime të forta të higjienës për të frenuar përhapjen e koronavirusit.
1,400 makina priten të ndërtohen këtë javë. Ndërsa javën tjetër prodhimi do të përfshijë më shumë se 6 mijë automjete, rreth 40 për qind e niveleve të para krizës.
“Rifillimi hap pas hapi i prodhimit është një sinjal i rëndësishëm për fuqinë punëtore, tregtarët, furnitorët dhe ekonominë,” tha Ralf Brandstaetter, kryeshefi operativ i markës Volkswagen Passenger Cars, transmeton Monitor, përcjell albinfo.ch.
“Në drejtim të administrimit të krizës, ky është vetëm hapi i parë. Nevojitet një moment tjetër për të stimuluar kërkesën në Gjermani dhe në të gjithë Evropën në mënyrë që vëllimet e prodhimit të mund të rriten me sukses.”
Kompania ka zbatuar masa shtesë higjiene në fabrikë. Punonjësit pritet të kontrollojnë temperaturën e tyre në shtëpi çdo mëngjes, dhe të veshin uniformën që në shtëpi, në mënyrë për të parandaluar grumbullimin në dhomat e ndërrimit të fabrikës.
Shënjuesit në fabrikë do të ndihmojnë punëtorët të mbajnë një distancë prej 1.5 metrash nga njëri-tjetri. Kur kjo nuk është e mundur, maska duhet të vishet për të mbrojtur hundën dhe gojën. Punonjësit do të kenë kohë shtesë për të dezinfektuar mjetet dhe sipërfaqen e punës.
Volkswagen filloi prodhimin në disa qytete gjermane në fillim të prillit dhe rifilloi prodhimin në Gjermani dhe Sllovaki në 20 Prill. Këtë javë kompania planifikon të rifillojë prodhimin në Portugali, Spanjë, Rusi, Afrikën e Jugut dhe Amerikën e Jugut dhe nga 3 maj e tutje në Tenesi në Shtetet e Bashkuara.
E-Diaspora
-
Shqipëri: A do të mundësohet vota e emigrantëve në zgjedhjet 2025? Kryekomisioneri Shtetëror i Zgjedhjeve, në Shqipëri Ilirjan Celibashi deklaroi sot se vota e emigrantëve mund të...
-
Sot fillon në Cyrih Festivali i Filmit “Kino Kosova”
-
Vjenë
Vjenë: Kori Siparantum, edhe me një paraqitje në skenën prestigjioze
-
Gjenevë
Gjenevë: Ramë Dardania sjell ekspozitë më 14 qershor
-
Mentor Latifi është emëruar ambasador i ri i Kosovës në Zvicër
Jeta në Zvicër
-
Bashkëpunimi Zvicër-Kosovë, diskutojnë Rafuna e Fetahi Kryetari i Odës Ekonlmike të Kosovës Lulzim Rafuna u takua me Fehmi Fetahi, pronar i kompanisë...
-
Pritet trafik i rënduar gjatë majit në Zvicër
-
OECD: Aktiviteti i ngadaltë ekonomik ngadalëson rritjen në Zvicër
-
Rritje e investimeve të huaja në Zvicër gjatë vitit 2023
-
Qeveria zvicerane synon ekuilibër më të mirë gjinor në administratën federale